21 ଏନ୍ଇଡ଼ିଂ ମୋଶା କେଣ୍ଡିଆଃ ଆଡ଼ାତ୍ରା ମେଁ ନ୍ତି ଟେକେକେ, ମାପ୍ରୁ ଆତେନ୍ ସାପା ମିଡିଗ୍ବ ବୟଙ୍କାର୍ ପୁରୁବ୍ ଦିଗ୍ନେ ୱେଡ଼ିୟା ଏତେ କେଣ୍ଡିଆଃକେ ମ୍ୱାର୍ ବାଗ୍ ଆଡିଂଚେ ଆଃନ୍ସୁଆର୍କେ ଆରି ଣ୍ଡିଆ ମ୍ୱାର୍ ବାଗ୍ ଡିଂକେ । 22 ଆତ୍ବା ଇସ୍ରାଏଲ୍ନେ ରେମୁଆଁଇଂ ନ୍ସୁଆର୍କ୍ନେ ଗାଲି ବିଚେ କେଣ୍ଡିଆଃ ବିଃଚେ ୱେଆର୍କେ, ବାରି ମେଙ୍ଗ୍ନେ ଇଞ୍ଚଙ୍ଗ୍ତି ଆରି ବେଃସ୍ୟାଃତି ପାକା ଣ୍ଡିଆ କାନ୍ତି ସୁଗୁଆ ତୁଆଁକେ ।
27 ତେଲା ମୋଶା କେଣ୍ଡିଆଃ ଆଡ଼ାତ୍ରା ନ୍ତି ଲିଗ୍ ବିକେ, ବାରି ଞ୍ଜିର୍ ଡିଂଲା କେଣ୍ଡିଆଃ ବାର୍ମୁଇଂତର୍ ଯେନ୍ତିନେ ସେନ୍ତି ଡିଂୱେକେ; ଇଡ଼ିଙ୍ଗ୍ ମିସ୍ରିୟଇଂ ଡନେ ଗାଲି ତୁର୍ଆର୍କେ, ମାପ୍ରୁ କେଣ୍ଡିଆଃ ମଜେ ଆମେଇଂକେ ଆଲଗ୍ଡ୍ୟା ବିଃକେ । 28 ବାରି ଣ୍ଡିଆ ବାର୍ମୁଇଂତର୍ ପାଙ୍ଗ୍ଚେ ମେଙ୍ଗ୍ନେ ରଥ୍ ଆରି ଗଡ଼ାନିଆ ଲେକ୍ନେ ରେମୁଆଁଇଂକେ ବାରି କେଣ୍ଡିଆଃ ବିତ୍ରେ ମିଗ୍ ବିକେ; ଇଡ଼ିଙ୍ଗ୍ ଫାରୋନେ ଉଃଡ଼ି ସାପା ସନ୍ୟ ମେଙ୍ଗ୍ନେ ପ୍ଲା ପ୍ଲା କେଣ୍ଡିଆ ବିତ୍ରେ ଗାଲେଃଆର୍ଗେ, ମେଙ୍ଗ୍ନେ ବିତ୍ରେବାନ୍ ମୁଇଂଜା ଡିଗ୍ ଆମ୍ବ୍ରଆର୍କେ ଣ୍ଡୁ ।