10 "ଶିଟିମ୍ ସୁଆନେ ମୁଇଂ ପେଡ଼ି ପେରାଃରେଏ । ଆତେନ୍ ପବିତ୍ର ପେଡ଼ି ମ୍ୱାର୍ ନ୍ତି ଅଦା ଚ୍ଲେ ମ୍ୱାର୍ ନ୍ତି ଅଦା ଅସାର୍ ଆରି ମ୍ୱାର୍ ନ୍ତି ଅଦା ତିଆର୍ ପେରାଃଡିଂଏ । 11 ତେଲା ପେ ନିର୍ମଲ୍ ସୁନା ଏତେ ଆତେନ୍କେ ପେୱେଏ । ମେଁନେ ବିତ୍ରେ ପାକା ଆରି ବାଏରେ ପାକା ଡିଗ୍ ପେୱେଏ । ଆରି ମେଁ ଆଡ଼ାତ୍ରା ପିତୁର୍ ପାକା ସୁନାନେ ତୁରାଃ ପେତେଏ । 12 ଆତେନ୍ସା ଅଁ କନ୍ପାକା ଅଁକିଲିଗ୍ ସୁନାନେ କାଡ଼ୁ ପେଲାଗାଏ । ମ୍ୱାର୍ପାକା ମ୍ୱାକ୍ଲିଗ୍ କାଡ଼ୁ ପେଲାଗାଏ । 13 ଆକ୍ମେକେ ଡୁଡୁଙ୍ଗ୍ସା ଟେଙ୍ଗ୍ ତିଆର୍ ପେଡିଙ୍ଗ୍ଏ ଆରି ସୁନା ଏତେ ପେୱେଏ । 14 ପେଡ଼ି ଡୁଡୁଙ୍ଗ୍ସା ପେଡ଼ିନେ ମ୍ୱାର୍ ପାକା କାଡ଼ୁ ଏତେ ଆତେନ୍ ଟେଙ୍ଗ୍କେ ପେରାଃଗାଏ । 15 ଆତେନ୍ ଟେଙ୍ଗ୍ ପେଡ଼ିନେ କାଡ଼ୁ ବିତ୍ରେ ଲେଃଏ ଆରି ଆତ୍ବାନ୍ ଅଃନାଡିଗ୍ ପେରାତାର୍ ଣ୍ଡୁ ।
Publicidade