17 ଆକେନ୍ ଇଡ଼ିଙ୍ଗ୍ ପେ ନିର୍ମଲ୍ ସୁନା ବାନା ଏତେ ମ୍ୱାର୍ ନ୍ତି ଅଦା ଚ୍ଲେ ଆରି ମ୍ୱାର୍ ନ୍ତି ଅଦା ଅସାର୍ ଆରି ଆରାତ୍ରା ଡାନ୍ସା ମୁଇଂ ପାପ୍ ଡିଡାନେ ଡାବ୍ନା ପେରାଃରେଏ । 18 ଆକେନ୍ ଇଡ଼ିଙ୍ଗ୍ ପେ ପିଟା ରକମ୍ ବଗ୍ ବଗ୍ଚେ ଆଃରେକ୍ନେ ସୁନା ଏତେ ମ୍ୱାକ୍ଲିଗ୍ କିରୂବ25:18 ମ୍ବାକିଲିଗ୍ ଡେନା ଲେଃକ୍ନେ ଦୁତ୍ ଦୁତ୍ ପେରାଃରେଏ ଆରି ଆତେନ୍କେ ପାପ୍ ଡାନେ ଡାବ୍ନା ଡାଗ୍ରା ମ୍ୱାର୍ ବାଆ ପାକା ପେବଏ । 19 ମୁଇଂ କିରୂବ ମୁଇଂ ବାଆଃନିଆ ଆରି ବିନ୍ କିରୂବ ବିନ୍ ମୁଇଂ ବାଆଃନିଆ ପେବଏ । ମ୍ୱାର୍ ଦୁତ୍କେ ଜାକ ଆଃମିସୁଚେ ପେବଏ । 20 ଆତେନ୍ କିରୂବଇଂ ନିଅମ୍ ପେଡ଼ିକେ ମେଙ୍ଗ୍ନେ ଡେନା ଏତେ ଡାଆର୍ଏ, ଯାହାକି କିତଙ୍ଗ୍ଇନି ପାକା ମେଙ୍ଗ୍ନେ ଡେନା ଆତଡ଼ିଆବଏ । ଡାବକ୍ନେ ପାକା ତାମୁଁଚେ କିରୂବଇଂ ସାମ୍ନା ସାମ୍ନି ଡିଂଚେ ଲେଆର୍ଏ । 21 "ପେ ଆକେନ୍ ପାପ୍ ବୁଃଡ଼ିନେ ଆତେନ୍ ପେଡ଼ି ଆଡ଼ାତ୍ରା ପେବଏ । ବାରି ନେ ଆପେକେ ଆଣ୍ଡିନେ ନିଅମ୍ ବ୍ରି ପାଟା ନେବିଏ ଆତେନ୍ ଆତାନ୍ ପେଡ଼ି ବିତ୍ରେ ପେବଏ ।
Publicidade