ମୋଶାନେ ତାର୍କିଗ୍ ସାର୍ମୁଆଃ
29 ଏନ୍ଇଡ଼ିଂ ମୋଶା ସୀନୟ କଣ୍ଡାବାନ୍ ଜାର୍ନେ ବେଲା ସାକି ରକମ୍ ମ୍ୱାର୍ବାଗ୍ ଡିଂକ୍ନେ ଆତେନ୍ ବ୍ରି ପାଟା ନ୍ତିନିଆ ସାଚେ କଣ୍ଡାବାନ୍ ଜାର୍କେ, ମାତର୍ ମାପ୍ରୁ ଏତେ ବାଲିର୍ବାତା ଡିଂଲେଗ୍ସା ମେଁନେ ସାର୍ମୁଆଃ ଯେ ତାର୍କିଗ୍ ଡିଂଲାଏଗେ, ଆତେନ୍ ମୋଶା ମ୍ୟାଃଆଲେଗେ । 30 ବାରି ଉଡ଼ିବେଲା ହାରୋଣ ବାରି ଇସ୍ରାଏଲ୍ନେ ଗଡ଼େଇଂ ମୋଶାକେ କେକେ, ଆତେନ୍ ବେଲା ସାର୍ମୁଆଃନେ ଉକ୍ସା ତାର୍କିଗ୍ ଲେଃଗେ; ଆତେନ୍ସା ମେଇଂ ମେଁ ଡାଗ୍ରା ୱେନ୍ସା ବୁଟଆର୍କେ । 33 ଆରି, ମୋଶା ମେଙ୍ଗ୍ ଏତେ ବାଲିର୍ବାତା ଆଃଡାକ୍ନେ ଇଡ଼ିଂ ମେଁନେ ସାର୍ମୁଆଃନିଆ ଗର୍ଣ୍ଡା ଡାବିଃକେ । 34 ଉଡ଼ିବେଲା ମୋଶା ମାପ୍ରୁ ଏତେ ବାଇର୍ବାଃତା ନ୍ସା ବିତ୍ରେ ୱେକେ । ମେଁ ଆତେନ୍ ଡାକ୍ନେ ତଃ ବଗେ, ଇଡ଼ିଂ ମେଁ ବାଏରେ ପାଙ୍ଗ୍କେ ବାରି ମାପ୍ରୁ ଆଣ୍ଡିନେ ଆଦେସ୍ ବିଃକେ, ବାଏରେ ତାର୍ଚେ ଇସ୍ରାଏଲ୍ ରେମୁଆଁଇଂକେ ବାସଙ୍ଗ୍କେ । 35 ରେମୁଆଁଇଂ କେଆର୍କେ ଯେ, ମୋଶାନେ ସାର୍ମୁଆଃ ତାର୍କିଗ୍ ତ୍ନାଡିଂକେ । ଆତେନ୍ସା ମୋଶା ମେଁନେ ସାର୍ମୁଆଃନିଆ ଡା ବିଃକେ । ମୋଶା ମାପ୍ରୁ ଏତେ ବାଲିର୍ବାତା ଡିଂ ଜାକ ମେଁନେ ସାର୍ମୁଆଃକେ ଡାଚେ ବଗେ ।