ନିଅମ୍ ପେଡ଼ି ଆଃରେନେ
1 ଏନ୍ଇଡ଼ିଂ ବତ୍ସଲେଲ୍ ଶିଟିମ୍ ସୁଆ ଏତେ ମ୍ୱାର୍ ନ୍ତି ଅଦା ଚ୍ଲେ ଆରି ମୁଇଂ ନ୍ତି ଅଦା ଅସାର୍ ଆରି ମ୍ୱାର୍ ନ୍ତି ଅଦା ତିଆର୍, ମୁଇଂ ନିଅମ୍ ପେଡ଼ି ଆଃରେଆର୍କେ । 2 ବାରି ଆତେନ୍ ବିତ୍ରେ ବାରି ବାଏରେ ନିର୍ମଲ୍ ସୁନା ଏତେ ଡାଃଚେ ମେଁ ପିତୁର୍ପାକା ସୁନାନେ ଇଟା ଏତେ କାନ୍ଥ ଆଃରେଆର୍କେ । 3 ବାରି ଆତେନ୍ ଚାର୍ କନ୍ ଆତ୍ଲା ଚାର୍ଟା ସୁନାନେ କାଡ଼ୁ କିଗ୍ଆର୍କେ । ଆତେନ୍ ମୁଇଂ କନ୍ ପାକା ମ୍ୱାକ୍ଲିଗ୍ କାଡ଼ୁ ଆରି ବିନ୍ କନ୍ ପାକା ବାରି ମ୍ୱାକ୍ଲିଗ୍ କାଡ଼ୁ ବିଃଆର୍କେ । 4 ଆରି ମେଇଂ ଶିଟିମ୍ ସୁଆ ଏତେ ଟେଙ୍ଗ୍ ଆଃରେଚେ ସୁନା ଏତେ ଗୁଡ଼େବିଃକେ । 5 ଆରି ପେଡ଼ିକେ ଡୁଂନ୍ସା ସିନ୍ଦୁକ ଡାଗ୍ରା ଲେକ୍ନେ ଆତେନ୍ କାଡ଼ୁନିଆ ଆତେନ୍ ଟେଙ୍ଗ୍ ଆଃଗାଆର୍କେ । 6 ଆତ୍ବାନ୍ ମେଇଂ ନିର୍ମଲ୍ ସୁନା ଏତେ ମ୍ୱାର୍ ନ୍ତି ଅଦା ଚ୍ଲେ ଆରି ମୁଇଂ ନ୍ତି ଅଦା ଅସାର୍ନେ ମୁଇଂ ପାପ୍କେ ଡିଡାନେ ଡାବ୍ନା ଆଃରେଆର୍କେ । 7 ବାରି ପିଟା ସୁନା ଏଃତେ ଆଃରେକ୍ନେ ମ୍ୱାକ୍ଲିଗ୍ କିରୂବ ଆଃରେଚେ ପାପ୍କେ ଡିଡାନେ ଡାବ୍ନା ମ୍ୱାର୍ ବାଆଃ ପାକା ଆଃକଆର୍କେ । 8 ଆତ୍ଅରିଆନେ ମୁଇଂ ବାଆଃନିଆ ମୁଇଂ କିରୂବ ବାରି ବାର୍ମୁଇଂ ବାଆଃନିଆ ବାର୍ମୁଇଂ କିରୂବ ଆଃରେଆର୍କେ । ପାପ୍କେ ଡିଡାନେ ଡାବ୍ନା ମ୍ୱାର୍ ବାଆ ପାକା ମ୍ୱାକ୍ଲିଗ୍ କିରୂବକେ ଆତ୍ଅରିଆ ଆଃମିସୁଚେ ଆଃକଆର୍କେ । 9 ବାରି କିରୂବଇଂନେ ଡେନା ଆଡ଼ାତ୍ରା ମେଲେଚେ ପାପ୍କେ ଡିଡା ନ୍ସା ଆଡ଼ୁକା ଆଃଡିଂକେ ବାରି ମେଇଂନେ ସାର୍ମୁଆଃ ସାମ୍ନା ସାମ୍ନି ଡିଂକେ । ମାତର୍ ପାପ୍କେ ଡିଡାକ୍ନେ ପାକା କିରୂବଇଂନେ ସାର୍ମୁଆଃ ଲେଃଗେ ।
ଟେବୁଲ୍ ଆଃରେନେ
(ଯାତ୍ରା ୨୫:୨୩-୩୦)