ସପ୍ତମ୍ ଡଣ୍ଡ୍ - ଆରେଣ୍ଡିଆଃ ଗୁର୍ନେ
13 ଏନ୍ଇଡ଼ିଂ ମାପ୍ରୁ ମୋଶାକେ ବାସଙ୍ଗ୍କେ, ନା ଞ୍ଜିର୍ନୁଗ୍ ତଡ଼ିଆଚେ ଫାରୋ ସାମ୍ନେ ତୁଆଁଚେ ଆମେକେ ଆକେନ୍ ସାମୁଆଁ ବାସଙ୍ଗ୍, ଏବ୍ରୀୟଇଂନେ ମାପ୍ରୁ ପର୍ମେସର୍ ବାସଙ୍ଗ୍ଡିଂକେ, ନେନେ ସେବା ଡିଂନ୍ସା ନେ ରେମୁଆଁଇଂକେ ଆନ୍ତାର୍ବି; 18 କେଲା, ନେ ଞ୍ଜଡ଼େ ଅକେନ୍ବେଲା ମିସର୍ ଦେସ୍ଅରିଆ ଦେକ୍ରକମ୍ ଆରେଣ୍ଡିଆ ନେରାଗୁର୍ଏ ଜେ, ମିଶର୍ ଦେସ୍ ଡିଂକ୍ନେବାନ୍ ଏବେ ଜାକ ଦେତ୍ରକମ୍ ଅଃନା ଆଡିଂକେ ଣ୍ଡୁ ।
22 ଏନ୍ଇଡ଼ିଂ ମାପ୍ରୁ ମୋଶାକେ ବାସଙ୍ଗ୍କେ, "ନା କିତଙ୍ଗ୍ଇନି ଆଡ଼ାତ୍ରା ନ୍ତି ଆଃଚ୍ଲେ, ଆତ୍ବା ମିସର୍ନେ ସାପା ରେମୁଆଁ ଆରି ପସୁ ଆରି ଲିଜଅରିଆ ଲେକ୍ନେ ଚେଃମୁଁଆ ସାପା ଆଡ଼ାତ୍ରା ଆରେଣ୍ଡିଆ ଗୁର୍ଏ । 23 ଆତ୍ବା ମୋଶା ମେଁନେ ଡୁଡୁକେ କିତଙ୍ଗ୍ଇନି ଆଡ଼ାତ୍ରା ଆତଡ଼ିଆକେ, ମାପ୍ରୁ ତ୍ରିଗ୍ଡ଼ିଆ ଆଃଅଃଚେ ଆରି ଆରେଣ୍ଡିଆ ଆଗୁର୍କେ; ବାରି, ବିଜ୍ଲି ପୁର୍ତିବି ଆଡ଼ାତ୍ରା ଦାପ୍ରେ ପାଙ୍ଗ୍କେ; ଦେକ୍ରକମ୍ ମାପ୍ରୁ ମିସର୍ ଦେସ୍ଅରିଆ ଆରେଣ୍ଡିଆ ଆଗୁର୍କେ । 24 ଆତ୍ବା ଆରେଣ୍ଡିଆ ଗୁର୍କେ ଆରି ସାଙ୍ଗେ ସାଙ୍ଗେ ବିଜ୍ଲି ବଗ୍କେ; ଦେକ୍ରକମ୍ ଇନସ୍ତା ସୁଗୁଆ ଆରେଣ୍ଡିଆ ମିସର୍ ଦେସ୍ଅରିଆ ରାଇଜ ଡିଂକ୍ନେବାନ୍ ଅଃନା ଡିଂଆଲେଃଗେ । 25 ଆତ୍ବା ସାପା ମିସର୍ ଦେସ୍ନେ ଲିଜଅରିଆ ରେମୁଆଁଅରିଆ ଆରି ପସୁ ସାପାରେ ଆରେଣ୍ଡିଆବାନ୍ ଗୁଏଆର୍କେ ଆରି ଲିଜନେ ସାପା ଚେଃମୁଁଆ ଆରେଣ୍ଡିଆ ଲଃଚେ ନଷ୍ଟ ଆଡିଙ୍ଗ୍ବିକେ, ଲିଜଅରିଆ ଲେକ୍ନେ ସାପା ସ୍ଲାଃ ପାକ୍ଚି ୱେଗେ । 26 ମାତର୍ ଇସ୍ରାଏଲ୍ ରେମୁଆଁଇଂନେ ବାସାନେ ଜାଗା ଗୋଶନ୍ ଦେସ୍ଅରିଆ ଆରେଣ୍ଡିଆ ଆଲଃକେ ଣ୍ଡୁ ।
27 ଏନ୍ଇଡ଼ିଂ ଫାରୋ ରେମୁଆଁ ବେଚେ ମୋଶା ଆରି ହାରୋଣକେ ଡୱାଚେ ବାସଙ୍ଗ୍କେ, ଏତର୍ ନେଙ୍ଗ୍ ପାପ୍ ଡିଂମ୍ବକେ, ମାପ୍ରୁ ଦରମ୍, ମାତର୍ ନେ ଆରି ନେ ରେମୁଆଁଇଂ ଆଃ ବୁଲ୍ ।
31 ଆତେନ୍ ବେଲା ଫେସି9:31 ମିସର୍ ଦେସ୍ଅରିଆ ଆକେନ୍ ମଞ୍ଜି ଏତେ ଞ୍ଚୁ ଆରି ସ୍ଲାଃ ଏତେ ସକାପାଟାଇ, କାଗଜ୍ ତିଆର୍ ଡିଂଡିଙ୍ଗେ ଆରି ଗହମ୍ ସାପା ନଷ୍ଟ ଡିଂକେ, ମେଃଡାଗ୍ଲା ଗହମ୍ କେଡ଼୍ ଡିଂଚେ ତାର୍ଲେଃଗେ ଆରି ଫେସି ସାରି ଡିଂଲାଏଗେ । 32 ମାତର୍ ଗହମ୍ ଆରି କଣ୍ଡାନେ ଗହମ୍ ମ୍ନା ଆଲେଃଗେସାଃ ନଷ୍ଟ ଆଡିଂକେ ।