1 ኢዛ ሞሮይ ኣቶ ጌቴቲዳይሲኔ

ኢዛ ናጋራይ

ካሜቲዳይ ኣንጄቲዳይሳ።

2 ጎዳይ ኢዛ ናጋራ

ቆዶንታዴይኔ

ኢዛ ቆፋን

ባሌይ ባይንዳይ ኣንጄቲዳይሳ።✝

3 ታኒ ታ ናጋራ ፓጾንታ ዳሼ

ጋላስ ኩሜ ጬጪን

ታ ኣሳቴይ ዳቡርዴስ።

4 ጋላሲኔ ቃማ ኔ ኩሼይ

ታ ቦላ ዴጺዴስ፤

ሃ ቦኔ ኣዋን ሚጪዛ ማላ

ታ ዎልቃይ ጪንጊ ዉሪዴስ።

5 ታኒ ታ ናጋራ ኔስ ፓጻዲስ፤

ታ ቆሂዳይሳ ኔፔ

ጌንቤኬ፤

«ታ ሞሮዛ ጎዳስ

ፓጻና» ጋዲስ።

ሂስቲን ኔ ታ ናጋራ

ኡባ ኣቶ ጋዳሳ።

6 ሄሳ ጊሻስ ጺሎ ኣሲ

ኔኒ ቤቲዛ ዎዴ ኔና ዎሶ፤

ዲኦይ ኢዚ ዲዛ ሄራ

ሜጪ ኤፊኮካ ኢዛ ቦቼና።

7 ኔኒ ታስ ቆቴቲዛሶ፤

ኔኒ ታና ሜቶፔ ናጋሳ፤

ታና ጾኖ ዬን

ኩንዳሳ።

8 ጎዳይ፥ «ታኒ ኔና ታማርሳና፤

ኔኒ ባናስ ቤሲዛ ኦጌካ

ኔና ኤሪሳና፤

ታኒ ኔና ዞራናኔ ናጋና።

9 ቢጻላኒኔ ፑሎን ሃሬቲዛ

ኣኬካይ ባይንዳ ባቁሎ ማላ

ዎይኮ ፓራ ማላ

ኢንቴ ሃኖፒቴ» ጌስ።

10 ኢታታስ ቱጋይ ዳሮ፤

ጊዶ ኣቲን ጎዳን

ኣማኔቲዛይታ

ማሮቴ ዶዴስ።

11 ኢንቴኖ ጺሎቶ!

ጎዳን ኡፋዬቲቴኔ

«ሃሹ!» ጊቴ፤

ኢንቴኖ ዎዚና ሱሬቶ!

ኡፋይሳን ኢሊሊቴ!