1 ሃይሶ ዎልቃማዞ!

ጾሲ ኔና ካቺዴስ፤

ኔ ኣይስ ኢታ ኦሶን ናሼታይ?

ኣይስ ኡባ ጋላስ ጬቄታይ?✝

2 ኔኖ ባሌን ኩሚዳ

ጌናንቻዉ!

ሃራታ ይሳና ቃጻሳ!

ኔ ኢንጻርሳይካ

ቃራ ማጋላ ማላ።

3 ኔኒ ሎኦ ኣጋዳ ኢታ ሲቃሳ፤

ቱማ ሃሳያናፔ ዎርዶ

ሃሳያ ዶሳሳ።

4 ኔኖ ባሌን ኩሚዳ

ዎርዳንቻዞ!

ኔኒ ኣስ ማዱንዛ

ቃላ ሲቃሳ።

5 ጊዶ ኣቲን ጾሲ ኔና

ሜርናስ ይሳና፤

ኢዚ ኔና ኔ ኬፌ

ቡጪ ኬሳና፤

ፓጻ ዲዛይታ ጊዶፌካ

ቃሊ ዲጋና።

6 ጺሎቲ ሃይሳ ቤኢዲ ያያና፤

ኢስቲ ኢዛ ቦላ ሂዝጊ ሚጫና፤

7 «ጾሳ ባስ ዜምፖ

ኦንታዴ፥

ባ ዱሬቴ ዳሮን

ኣማኔቲዛዴ

ባ ኢታ ኦሶን ሚኒዛዴ

ሃይሳ ቤኢቴ!» ጋና።

8 ጊዶ ኣቲን ኣጪዛ

ዎጋራ ሚ ማላ

ታኒ ጾሳ ኬን ኣጫይስ፤

ኢዛ ሜርና ሲቆን ታኒ

ሜሪ ሜርናስ ኣማኔታይስ።

9 ኔኒ ኦዳ ኡባስ

ታኒ ኔና ሜርናስ ጋላታይስ፤

ኔ ሎኦ ጊዲዳ ጊሻስ

ታ ኔ ሱንን ሂዶታ ኦይስ፤

ታኒ ጾሳ ዴራ ሲንን

ኔ ኪያቴ ሳባና።