1 ኢታ ኣሲ ባ ዎዚናን

ጌኔ ቆፔስ፤

ኢዛ ጊዶን ጾሳስ

ያሻቴ ዴና።✝

2 ኢዛ ናጋራይ ቆንጪን ኢጾንታ ማላ

ኢዚ ባርካ ባና ባሌስ

3 ኢዛ ዶናፔ ኬኢዛ ሃሳያይ

ጌኔኔ ዎርዶ፤

ኣ ኤራቴኔ ሎኦ ኦሶ

ሙሌካ ኣጊዴስ።

4 ኢዚ ባ ሂጻን ዲሼ

ጌኔ ቆፒሼ ኣቄስ፤

ባና ሎኦ ጊዶንታ

ኦጌ ካሌስ፤

ኢታ ኢዚ ኢጼና።

5 ኣቤት ጎዳዉ!

ኔ ሜርና ሲቆይ ሳሎ ጋኬስ፤

ኔ ቱማቴይካ

ቦላ ሻራ ማላ ቄስ።

6 ኣቤት ጎዳዉ!

ኔ ጺሎቴይ

ኡባፌ ቃ ዙማታ ማላ፤

ኔ ፒርዳይካ ኡባፌ

ዚቃ ጪማ ማላ፤

ኔኒ ኣሳካ ዶኣካ

ኢታፔ ናጋሳ።

7 ኣቤት ጾሳዉ!

ኔ ሜርና ሲቆይ

ኣይ ኬና ኣልኦ!

ኣሳይ ኔ ቄፌ ጊዶን

ጌሚ ኣቴስ።

8 ኢስቲ ኔሶን ኩሚዳ ማዳፌ

ሚዲ ካሌቴስ፤

ኔኒ ኔ ኣንጆ ሻፋፔ

ኢስታ ኡሻሳ።

9 ኣይስ ጊኮ ዴኦ ፑልቶይ

ኔ ኣቻን ዴስ፤

ኔ ፖኦን ኑኒ ፖኦ ቤኦስ።

10 ኔና ኤሪዛይታስ

ኔ ሜርና ሲቆዛ ኣጎፋ፤

ሱሬታስ ኔ ኪያቴ ዲጎፋ።

11 ኦቶራንቻታ ቶሆይ

ታና ዬፎ፤

ናጋራንቻታ ኩሼይ

ታና ዬዴፎ።

12 ኢታ ኣሳቲ ኩንዲዳይሳ ቤኢቴ፤

ኢስቲ ኩንዲዳ፤

ዴንዳናዉካ ዳንዳዬቴና።