ኣሳፌ ማዛሙሬ
1 ጾሲ ሳሎን ዲዛ ዱላታ ካሌስ፤
ጾሳቲ ኡባይ ሺቂን
ኢስታ ቦላ ፒርዲሼ፥82፡1 ጾሳታ ሃይሲ ሃ ቃላዚ ካዎታ፥ ዳናታ፥ ኣሳ ቦላ ዱማ ዱማ ኦጌራ ፒርዲዛይታ፥ ኪታንቻታኔ ኤቃ ጾሳታ ቤሴስ።
2 «ኢንቴ ኣዉዴ ጋካናዉ
ጌላ ፒርዳ ፒርዳኔ?
ኢታታካ ኣዉዴ ጋካናስ
ማዳኔ?
3 ዎልቃይ ባይንዳይታሲኔ ዪኦታስ
ቱማ ፒርዳ ፒርዲቴ፤
ማንቆኔ ናቄቲዳ ኣሳታ
ማታ ናጊሲቴ።
4 ዳቡራንቻታኔ
ሜቶታንቻታ ኣሺቴ፤
ኢታታ ኩሼፔካ
ኢስታ ዎ ኤኪቴ።
5 «ኢንቴስ ኣይኮ ኤራቴኔ
ኣኬካይ ዴና፤
ኢንቴ ማን ሲሜሬቴታ፤
ቢታ ዮቻቲ
ኡባይ ቃጼቴስ።
6 «ታኒ ኢንቴና፥ ‹ኢንቴ ጾሳታ፤
ኢንቴ ኡባይካ
ኡባፌ ቃ ጾሳ
ናይታ› ጋዲስ።82፡6 ዮሃ 10፡34
7 ‹ጊዶ ኣቲን ኢንቴ
ኣሲ ሃይቂዛ ማላ ሃይቃና፤
ቃሴ ሃራ ሃላቃቲ ኩንዲዛ ማላ
ኢንቴካ ኩንዳና› ጋይስ» ጌስ።
8 ኣቤት ጾሳዉ! ዴንዳ!
ሳኣ ቦላ ፒርዳ፤
ካዎቴ ኡባይ ኔሳ።