1 ሃ ዪቴ!
ኣኔ ጎዳስ ኡፋይሳን ዬጾስ፤
ኑና ኣሺዛ ዛላስ ኢሊሎስ።
2 ኣኔ ኢዛ ሲን ጋላታራ ሺቆስ፤
ጋላታ ማዛሙሬ ኡፋይሳን ዬጾስ።
3 ጋሶይካ ጎዳይ
ዎልቃማ ጾሳ፥
ጾሳታ ኡባ ቦላካ
ዎልቃማ ካዎ።
4 ቢታ ጪማቲ ኢዛ ኩሼን ዴቴስ፤
ዙማ ጼራቲካ ኢዛሳ።
5 ኣባ ሃ ኢዛሳ፤
ሄሳ ኢዛ ኩሼቲ ሜዳ፤
ቢታካ ሜዳይ ኢዛ።
6 ሃ ዪቴ!
ሆኪዲ ኣኔ ኢዛስ ጎይኖስ፤
ኑና ሜዳ ጎዳ
ሲንን ጉልባቶስ።
7 ኢዚ ኑ ጾሳ፤
ኑኒ ኢዛ ቆሮን ሄሜቲዛይታ፤
ኑኒ ኢዛስ ዶርሳ ዉዴታ።
ጎዳይ ኢንቴና ጊዛይሳ ሃች ሲዪቴ!
8 «ካሴ ኢንቴ ኣዋቲ
ማሳኒኔ ማሪባን
ኦይሳ
ኢንቴ ዎዚና ሙሚሶፒቴ።95፡7-8 ኢብ 3፡15፤ 4፡7
9 ኢስቲ ታ ኦሶ ቤኢዲካ
ታናራ ኤቄቲዳኔ ታና ፓጪዳ።95፡8-9 ኬሳ 17፡1-7፤ ታይ 20፡2-13
10 ሄ ዬሌታ ቦላ ታኒ
ኦይዱ ታሙ ላይ ሃንቄታዲስ፤
ታኒካ፥ ‹ኢስቲ ኡባ ዎዴ
ባንታ ዎዚናን ባሊዛ ኣሳ፤
ኢስቲ ታ ኦጌ ኤሪቤቴና› ጋዲስ።
11 ሄሳ ጊሻስ ታኒ፥
‹ኢስቲ ታ ሼምፖሶ
ሙሌካ ጌሌቴና›
ጋዳ ሃንቄታ ጫቃዲስ።»95፡7-11 ኢብ 3፡7-1195፡11 ታይ 14፡20-23፤ ዛሬ 1፡34-36፤ 12፡9-10፤ ኢብ 4፡3-5