Salmos 99

1 ጎዳይ ካዎቲዴስ!

ሄሳ ጊሻስ ኣሳይ ኮኮሮ!

ኪሩቤታ ጊዶን

ካዎቴ ኣራታን ኡቲዴስ፤

ሄሳስ ቢታይካ ቃጾ።✝99፡1 ኬሳ 25፡22

2 ጎዳይ ጺዮኔን ጊታ፤

ካዎቴ ኡባፌ

ኢዚ ቁ ቁ ጊዴስ።

3 ጊታኔ ኬሂፔ ያሺሲዛ

ኔ ሱን

ኢስቲ ኡባይ ሳቤቶ!

ኢዚ ዱማ!

4 ቱማ ፒርዳ ዶሲዛ ዎልቃማ ካዎ!

ኔኒ ሱሬቴስ

ዮች ዬጋዳሳ፤

ኔኒ ያቆቤስ ቱሙ ፒርዳኔ

ጺሎቴ ኤሳዳሳ።

5 ኢዚ ዱማ ጊዲዳ ጊሻስ

ጎዳ ኑ ጾሳ

ቁ ቁ ሂስቲቴ፤

ኢዛ ቶሆ ጋርሳንካ ጉፋኒዲ

ኢዛስ ጎይኒቴ።

6 ኢዛ ቄሴታ ጊዶፌ ሙሴይኔ

ኣሮኔይ ዴቴስ፤

ሳሜሊካ ኢዛ ሱንን

ዎሲዳይታፔ ኢሳ፤

ኢስቲ ጎዳስ ዋሲዳ፤

ኢዚካ ኢስታ ዋሶ ኣሊዴስ።

7 ኢዚ ሻራ ቱሳ ጊዶራ

ኢስታስ ሃሳይዴስ፤

ኢስቲ ኢዚ ኢሚዳ ማራኔ

ዎጋ ናጊዳ።✝99፡7 ኬሳ 33፡9

8 ኣቤት ጎዳዉ፥ ኑ ጾሳዉ!

ኔኒ ኢስታ ዎሳ ሲያዳሳ፤

ኔኒ ኢስታ ኢታቴ ጊሻስ

ቃጻይዳ ጊዲኮካ

ኢስታስ ኣቶ ጊዳ ጾሳ።

9 ጎዳ ኑ ጾሳ

ቁ ቁ ሂስቲቴ፤

ኢዛ ጌሻ ዙማ ቦላን

ኢዛስ ጎይኒቴ፤

ኣይስ ጊኮ ጎዳ

ኑ ጾሳይ ጌሻ ጾሳ።