4 Mu kambi ya Vafilisiti ahumalili mkekesi mmonga mweikemiwa Goliati, mweahumali ku muji wa Gati. Avili na utali wa mita hidatu.
33 Sauli akamuyangula Daudi, "Veve uhotola lepi kuhamba kutovana na Mfilisiti yula. Veve wakona wa msongolo, mundu mwenuyo atovini ngondo tangiya usongolo waki."
37 Bambu Chapanga mweanisangwili kuhuma mu yugu za madubu na mahimba, mewawa yati akunisangula kuwuka mu mawoko ga Mfilisiti mwenuyo."
Sauli akamujovela. "Hambayi, Bambu Chapanga avyayi pamonga na veve." 40 Daudi akatola ndonga yaki mu chiwoko, akahagula maganga muhanu gabwina kuhuma mu kapela, akagasopa mukahaku kaki ka kudimila. Na chiwoko chaki chingi akamwili ngumbewa yaki, akatumbula kumuhambila Goliati Mfilisiti yula.
45 Daudi akamuyangula Goliati, "Veve ukunibwelela nene na upanga na mugoha na nduta. Nambu nene nikukubwelela veve kwa liina la Bambu Chapanga, Chapanga wa manjolinjoli ga Isilaeli, mweumuligili.
49 Pena Daudi akayingisa chiwoko chaki mu kahaku kaki, akatola liganga limonga akalivika mu ngumbewa na kumtova Goliati pa chiwungi. Liganga likayingila mbaka mugati. Goliati akagwa pahi cha kukupama.