1 Ingunge irondera ivyayo yonyene yitandukanya n’abandi,

kandi igwanya ivyiyumviro vyiza vyose.

2 Igipfu ntikinezerererwa ugutahura,

kinezerezwa n’ukugaragaza ivyiyumviro vyaco.

3 Iyo haje ubukozi bw’ikibi haba haje umugayo;

kandi ubushizi bw’isoni buzana igitutsi.

4 Amajambo y’ubwenge ameze nk’ibenga rirerire,

kandi ubwenge buva ku banyabwenge bumeze nk’uruzi rusuma.

5 Ntibibereye kweza umunyakibi,

canke kurenganya umugororotsi.

6 Iminwa y’igipfu yisuka mu mitongano,

kandi akanwa kiwe kamukwegera inkoni.

7 Akanwa k’igipfu ni ko kakirandura,

kandi iminwa yiwe ni yo mutego w’umushaha wiwe.

8 Amajambo y’urusaku ameze nk’ivyokurya biryoshe,

aramanuka agashika i bwina mu mutima w’umuntu.

9 Umunebwe mu gikorwa

ni mwenewabo n’umuranduzi.

10 Izina ry’Uhoraho ni umunara ukomeye;

abagororotsi barihungiramwo bakaba amahoro.

11 Ubutunzi bw’umutunzi bumubera igisagara gikomeye;

yibaza ko ari igihome kiturirwa.

12 Ukwishira hejuru kw’umutima ni intango yo kugwa,

ariko ukwicisha bugufi ni intango y’icubahiro.

13 Gushoka wishura utabanje kwumviriza

ni ubupfu, biramaramaza.

14 Umutima w’umuntu ni wo umufasha kwihanganira ingwara;

ariko umutima ubabaye ni nde yowihanganira?