1 എൻ മനമേ, യഹോവയെ വാഴ്ത്തുക;

എന്റെ സർവാന്തരംഗവുമേ, അവിടത്തെ വിശുദ്ധനാമത്തെ വാഴ്ത്തുക.

2 എൻ മനമേ, യഹോവയെ വാഴ്ത്തുക;

അവിടത്തെ ഉപകാരങ്ങളൊന്നും മറക്കരുത്—

3 അവിടന്നു നിന്റെ സകലപാപങ്ങളും ക്ഷമിക്കുന്നു

നിന്റെ സർവരോഗത്തിനും സൗഖ്യമേകുന്നു.

4 അവിടന്നു നിന്റെ ജീവനെ പാതാളത്തിൽനിന്ന്* വീണ്ടെടുക്കുകയും

നിന്നെ സ്നേഹവും മനസ്സലിവുംകൊണ്ട് മകുടമണിയിക്കുകയും ചെയ്യുന്നു,