സങ്കീർത്തനങ്ങൾ 127:1-5

Em outras traduções

1. MAL Bíblia Sagrada Malaiala 1910 - Revisada (Escrita Contemporânea)

   1 യഹോവ വീടു പണിയാതിരുന്നാൽ

   പണിയുന്നവർ വൃഥാ അദ്ധ്വാനിക്കുന്നു;

   യഹോവ പട്ടണം കാക്കാതിരുന്നാൽ

   കാവല്ക്കാരൻ വൃഥാ ജാഗരിക്കുന്നു.

   2 നിങ്ങൾ അതികാലത്തു എഴുന്നേല്ക്കുന്നതും

   നന്നാ താമസിച്ചു കിടപ്പാൻ പോകുന്നതും

   കഠിനപ്രയത്നം ചെയ്തു ഉപജീവിക്കുന്നതും വ്യർത്ഥമത്രേ;

   തന്റെ പ്രിയന്നോ, അവൻ അതു ഉറക്കത്തിൽ കൊടുക്കുന്നു.

   3 മക്കൾ, യഹോവ നല്കുന്ന അവകാശവും

   ഉദരഫലം, അവൻ തരുന്ന പ്രതിഫലവും തന്നേ.

   4 വീരന്റെ കയ്യിലെ അസ്ത്രങ്ങൾ എങ്ങനെയോ

   അങ്ങനെയാകുന്നു യൗവനത്തിലെ മക്കൾ.

   5 അവയെക്കൊണ്ടു തന്റെ ആവനാഴിക

   നിറെച്ചിരിക്കുന്ന പുരുഷൻ ഭാഗ്യവാൻ;

   നഗരവാതില്ക്കൽവെച്ചു ശത്രുക്കളോടു സംസാരിക്കുമ്പോൾ

   അങ്ങനെയുള്ളവർ ലജ്ജിച്ചുപോകയില്ല.

2. IRVMAL Indian Revised Version (IRV) - Malayalam

   1 യഹോവ വീടു പണിയാതിരുന്നാൽ

   പണിയുന്നവർ വൃഥാ അദ്ധ്വാനിക്കുന്നു;

   യഹോവ പട്ടണം കാക്കാതിരുന്നാൽ

   കാവല്ക്കാരൻ വൃഥാ ജാഗരിക്കുന്നു.

   2 നിങ്ങൾ അതിരാവിലെ എഴുന്നേല്ക്കുന്നതും

   വളരെ താമസിച്ച് ഉറങ്ങുവാൻ പോകുന്നതും

   കഠിനപ്രയത്നം ചെയ്തു ഉപജീവനം കഴിക്കുന്നതും വ്യർത്ഥമത്രേ;

   തന്‍റെ പ്രിയനോ, അവൻ നല്ല ഉറക്കം*127:2 ഉറക്കം കൊടുക്കുന്നു.

   3 മക്കൾ, യഹോവ നല്കുന്ന അവകാശവും

   ഉദരഫലം, അവിടുന്ന് തരുന്ന പ്രതിഫലവും തന്നെ.

   4 വീരന്‍റെ കൈയിലെ അസ്ത്രങ്ങൾ എങ്ങനെയോ

   അങ്ങനെയാകുന്നു യൗവനത്തിലെ മക്കൾ.

   5 അവരെക്കൊണ്ട് തന്‍റെ ആവനാഴിക

   നിറച്ചിരിക്കുന്ന പുരുഷൻ ഭാഗ്യവാൻ;

   നഗരവാതില്ക്കൽവച്ച് ശത്രുക്കളോടു സംസാരിക്കുമ്പോൾ

   അങ്ങനെയുള്ളവർ ലജ്ജിച്ചു പോകുകയില്ല.