1 യഹോവ എന്റെ പ്രകാശവും എന്റെ രക്ഷയും ആകുന്നു—

ഞാൻ ആരെ ഭയപ്പെടും?

യഹോവ എന്റെ ജീവന്റെ അഭയസ്ഥാനം—

ഞാൻ ആരെ പേടിക്കും?

2 എന്നെ വിഴുങ്ങുന്നതിനായി

ദുഷ്ടർ എനിക്കെതിരേ പാഞ്ഞടുക്കുമ്പോൾ,

എന്റെ ശത്രുക്കളും വിരോധികളും എന്നെ ആക്രമിക്കുമ്പോൾ

അവരാണ് കാലിടറി നിലംപൊത്തുന്നത്!

3 ഒരു സൈന്യം എനിക്കെതിരേ ഉപരോധം തീർക്കുമ്പോൾ

എന്റെ ഹൃദയം ഭയരഹിതമായിരിക്കും,

എനിക്കെതിരേ ഒരു യുദ്ധം പൊട്ടിപ്പുറപ്പെട്ടാലും

ഞാൻ ചഞ്ചലചിത്തനാകുകയില്ല.