സങ്കീർത്തനങ്ങൾ 55:12-14,22

Em outras traduções

1. MAL Bíblia Sagrada Malaiala 1910 - Revisada (Escrita Contemporânea)

   12 എന്നെ നിന്ദിച്ചതു ഒരു ശത്രുവല്ല; അങ്ങനെയെങ്കിൽ ഞാൻ സഹിക്കുമായിരുന്നു;

   എന്റെ നേരെ വമ്പു പറഞ്ഞതു എന്നെ പകെക്കുന്നവനല്ല;

   അങ്ങനെയെങ്കിൽ ഞാൻ മറഞ്ഞുകൊള്ളുമായിരുന്നു.

   13 നീയോ എന്നോടു സമനായ മനുഷ്യനും എന്റെ സഖിയും

   എന്റെ പ്രാണസ്നേഹിതനുമായിരുന്നു.

   14 നാം തമ്മിൽ മധുരസമ്പർക്കം ചെയ്തു

   പുരുഷാരവുമായി ദൈവാലയത്തിലേക്കു പോയല്ലോ.

   22 നിന്റെ ഭാരം യഹോവയുടെമേൽ വെച്ചുകൊൾക;

   അവൻ നിന്നെ പുലർത്തും;

   നീതിമാൻ കുലുങ്ങിപ്പോകുവാൻ അവൻ ഒരുനാളും സമ്മതിക്കയില്ല.

2. IRVMAL Indian Revised Version (IRV) - Malayalam

   12 എന്നെ നിന്ദിച്ചത് ഒരു ശത്രുവല്ല; അങ്ങനെയെങ്കിൽ ഞാൻ സഹിക്കുമായിരുന്നു;

   എന്‍റെ നേരെ വമ്പ് പറഞ്ഞത് എന്നെ വെറുക്കുന്നവനല്ല;

   അങ്ങനെയെങ്കിൽ ഞാൻ മറഞ്ഞുകൊള്ളുമായിരുന്നു.

   13 നീയോ എന്നോട് സമനായ മനുഷ്യനും എന്‍റെ സഖിയും

   എന്‍റെ പ്രാണസ്നേഹിതനുമായിരുന്നു.

   14 നാം തമ്മിൽ മധുരസമ്പർക്കം ചെയ്തു

   പുരുഷാരവുമായി ദൈവാലയത്തിലേക്ക് പോയിരുന്നല്ലോ.

   22 നിന്‍റെ ഭാരം യഹോവയുടെമേൽ വച്ചുകൊള്ളുക;

   അവിടുന്ന് നിന്നെ പുലർത്തും;

   നീതിമാൻ കുലുങ്ങിപ്പോകുവാൻ അവിടുന്ന് ഒരുനാളും സമ്മതിക്കുകയില്ല.