1 അത്യുന്നതനെ ആശ്രയമാക്കി വസിക്കുന്നവർ

സർവശക്തന്റെ തണലിൽ വിശ്രമിക്കും.

2 ഞാൻ യഹോവയെക്കുറിച്ച്, "അവിടന്നാണ് എന്റെ സങ്കേതവും കോട്ടയും

ഞാൻ ആശ്രയിക്കുന്ന എന്റെ ദൈവവും," എന്നു പറയും.

3 അവിടന്നു നിശ്ചയമായും നിന്നെ

വേട്ടക്കാരുടെ കെണിയിൽനിന്നും

മാരകമായ പകർച്ചവ്യാധിയിൽനിന്നും രക്ഷിക്കും.

4 തന്റെ തൂവലുകൾകൊണ്ട് അവിടന്ന് നിന്നെ മറയ്ക്കും,

അവിടത്തെ ചിറകിൻകീഴിൽ നീ അഭയംകണ്ടെത്തും;

അവിടത്തെ വിശ്വസ്തത നിനക്ക് പരിചയും കോട്ടയും ആയിരിക്കും.