1 Hyɛ bɔ nɛ hiɔwe ngɛ Mawu anunyami kpo jee ha; e ngɛ Mawu nine nya ní peemi ní ɔmɛ jee kɛ ngɛ tsɔɔe paa. 2 Nyɔ kɛ pia tsuo ɔ, a ngɛ Mawu he odase yee. 3,4 O be munyu ko loo pɛmi ko he nue, a pee dii ngɛ hiɔwe, se sɛ nɛ a hɛɛ ɔ ya suu je ɔ mi he fɛɛ he. Pu ɔ ngɛ hiɔwe he nɛ Mawu ngɔ lɛ kɛ to ɔ. 5 E tee mɔtu kɛ e he fɛu kaa yotsɛ nɛ dla e he kɛ je tsu mi; aloo kaa fo tulɔ nɛ dla e he kɛ yaa fo kami. 6 Pu ɔ nyɛɛ ngɛ hiɔwe kɛ jee site he kɛ yaa sinɔ he, nɛ nɔ́ ko laa we ngɛ e la a nya.

7,8 Mawu mlaa amɛ hi kɛ pi si. A buu wa he, a tsɔɔ wɔ hɛ mi tɛmi, nɛ wa naa bua jɔmi. A ji kane kɛ ha wɔ. 9 Nutsɔ ɔ jami he mlaa amɛ hi nɛ e sa kaa a hi si daa. E kojomi ɔmɛ da be tsuaa be. 10 A he hia nɔmlɔ pe sika tsu, nɛ a ngɔɔ pe hwo nɛ ngɛ dɛe kɛ je hwo gbaku mi. 11 Ejakaa a jeɔ wɔ kɛ jee oslaa mi, nɛ a nɔ yelɔ yeɔ kunimi.

12 Kɛ ma pee kɛ le yayamihi nɛ ngɛ ye tsui mi kɛɛ? Moo tsu ye he kɛ je laami tɔmi nɛ ɔmɛ a mi. 13 Moo baa ye yi nɛ o kudɔ mi kɛ je tɔmihi nɛ ye hɛ ngɛ he ɔ a he; nɛ o ye kɛ bua mi nɛ ma kpa peemi. Nɛ jaja a loko ji i ma ye ye he kɛ je fɔ bumi kɛ mlaa nɔ tɔmi mi.

14 Tsaatsɛ Mawu, ye tɛ sa kɛ Yiwamihelɔ, mo ha nɛ ye tsui mi susumi ni ɔmɛ kɛ ye nya mi munyuhi a pee níhi nɛ maa sa o hɛ mi.