Salmos 32

Tsui tsakemi yiblii

1 Ni nɛmɛ nɛ a wo a he yayami kɛ a tɔmi ɔmɛ kulaa ngɔ ke mɛ ɔ, bua jɔmi ji a nɔ́. E ji bua jɔmi babauu kɛ ha nɔ ko nɛ a laa e yayamihi a nɔ ɔ. 2 E ji he jɔmi kɛ ha nihi nɛ jajeɔ a he yayamihi kɛ tsɔɔ ngɛ anɔkuale mi, nɛ Mawu ngɔɔ kɛ kee mɛ ɔ.

3 Be ko nɛ be ɔ, i ngɔɛ kaa yayami peelɔ ji mi. Nɛ ye lakpa yemi ɔ ha nɛ ye ni pee mɔbɔ, nɛ ye kɔni mi jɔ. 4 O gbla ye tue hluu nyɔ kɛ pia, nɛ ye he wami kulaa mii kaa bɔ nɛ níhi gbliɔ ngɛ pu tsomi be mi. 5 Benɛ i jaje ye yayami ɔmɛ tsuo kɛ tsɔɔ mo nɛ i kpa a nɔ laami ɔ, i de ye he ke, "I ma jaje ye yayami ɔmɛ kɛ tsɔɔ Mawu." Nɛ o wo kɛ ke mi. Ye tɔmi ɔmɛ kulaa a se po.

6 Jehanɛ ɔ, i ngɛ dee ke, nɔ tsuaa nɔ nɛ heɔ Mawu nɔ yeɔ ɔ, e jaje e tɔmi ɔmɛ kɛ tsɔɔ lɛ, ke e na kaa e tɔ ɔ, ngɛ be mi nɛ be ngɛ nɛ a maa ngɔ kɛ ke lɛ ɔ. Nɛ ke e pee ja a, e hɛ mi be kpatae.