1 Oo Tsaatsɛ Mawu, mo kpɔ mi! Mawu, o he nɛ pee oya nɛ o ye kɛ bua mi! 2,3 A ngɛ ye gbemi he blɔ hlae, a suɔ kaa a maa ye mi awi. Mo ha nɛ a juɛmi nɛ futu! Moo gbe mɛ zo! Moo tsi a nya! Ko ha nɛ a ya nɔ nɛ a ye ye he fɛu. 4 Se mo ha nɛ o se nyɛɛli ɔmɛ a na bua jɔmi; nɛ ni nɛmɛ nɛ suɔ o yi wami hemi ɔ, a nya nɛ a de ke, "Mɛni nyakpɛ Mawu ji nɛ ɔ!" 5 Se i ngɛ haomi agbo mi. O he nɛ sɔ nɛ o ba ye kɛ bua mi, ejakaa mo pɛ nɛ o ma nyɛ ye kɛ bua mi, nɛ o ma kpɔ mi. Oo Tsaatsɛ Mawu, koo kpɛ se!