La he kɛ ha Mawu, Matsɛ ɔ
1 Nyɛ la la he kɛ ha Tsaatsɛ Mawu. Nyɛ je ɔ tsuo nyɛ la. 2 Nyɛ la kɛ ha Neneene Tsɛ ɔ, nyɛ je e biɛ ɔ yi. Nyɛɛ jaje e yi wami hemi ɔ he sane daa ligbi.
3 Nyɛɛ fiɛ e anunyami ni tsumi ɔmɛ ngɛ je ɔ mi he fɛɛ he. Nyɛɛ jaje e nyakpɛ ni ɔmɛ a he sane kɛ tsɔɔ nɔ tsuaa nɔ. 4 Ejakaa Mawu kle pe bɔ nɛ a ma nyɛ kale, nɛ e sa yi jemi babauu. Lɛ pɛ e sa nɛ a ja ngɛ mawu ɔmɛ kulaa a kpɛti. 5 Ejakaa amagahi kɛkɛ ji ma amɛ a mawu kpa amɛ; se wa Mawu ɔ ji nɔ nɛ bɔ hiɔwe. 6 Anunyami kɛ agbo jemi ngɛ e he; he wami kɛ he fɛu ngɛ e We ɔ.
7 Oo, nyɛ je ɔ tsuo nyɛ de ke Mawu kɛkɛ nɛ e hɛ mi ngɛ anunyami, nɛ e he wa. 8 Nyɛɛ ngɔ anunyami nɛ sa kɛ ha lɛ! Nyɛɛ ngɔ nyɛ bɔ sami ni ɔmɛ kɛ ba e We ɔ nɛ nyɛ ba ja lɛ. 9 Nyɛ sɔmɔ Tsaatsɛ Mawu ngɛ klɔuklɔu peemi mi. Nyɛ je ɔ tsuo nyɛ he nɛ kpokpo ngɛ e hɛ mi.
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)