1 Pagapititi kala mashi gavuwa makulu, Shemu na hamu na Yafeti wana wa Nuhu wapatiti wana, na avi ndo viyiwuku vyawu.

2 Wana wa Yafeti waweriti Gomeri na Magogu na Madai na Yavani na Tubali na Mesheki na Tirasi. 3 Wana wa Gomeri waweriti Ashekenazi na Rifati na Togama. 4 Wana wa Yavani waweriti Elisha na Talishishi na Kitimu na Dodanimu. 5 Shiyuwuku sha Yafeti, shiweriti na utakula wawu na likabila lyawu na isi yawu.

6 Wana wa Hamu waweriti Kushi na Misri na Puti na Kanani. 7 Wana wa Kushi waweriti Seba na Hawila na Sabita na Raama na Sabiteka. Wana wapalu wa Raama waweriti Sheba na Dedani. 8 Kushi kaweriti tati gwa Nimlodi, ulii yakiziti kuwera shikambaku sha kwanja sha pasipanu. 9 Mtuwa Mlungu kamtenditi yomberi kaweri mwindaji mkulu, ndo mana kwana visoweru vyavilonga, "Handa Nimrodi mwindaji mkulu kulongolu kwa Mtuwa Mlungu!" 10 Lushi za kwanja za ufalumi wakuyi uweriti Babeli na Ereki na Akadi mulushi lwa Shinari. 11 Kulawa muisi ayi, Nimrodi kagenditi Ashuru, kanyawiti lushi za Ninawi na Rohobeti Ilii na Kala na, 12 Reseni gwaguweriti pakati pa Ninawi na lushi lukulu lwa Kala.

13 Misri kaweriti mbuyi gwa Waludi na Wanamu na Walehabu na Wanafitili, 14 Wapatirusi na Wakasiluwi ndoweni washiyiwuku sha Wafilisti, Wakafitoli. 15 Kanani kaweriti mbuyi gwa Sidoni, shipanta njira shakuwi na Seti, 16 na vilaa mbuyi gwawu Wayebusi na Waamuli na Wagerasi, 17 Wahivi na Waariki na Wasini, 18 Waalivadi na Wasemali na Wahamati. Shakapanu wantu wa vipinga vya ntambu yingi za Wakaani yawapalasiyitiki 19 ata pahala lwa lushi lwawu luweriti kulawa Sidoni kugenda kusika, mpaka Gerari na Gaza na kugenda mpaka kwakulawa mshenji mpaka Sodoma na Gomeri na Adima na Seboyimu mpaka Lasha. 20 Womberi ndo walera wa Hamu kulawirana na makabila gawu na utakula wawu na isi yawu.

21 Shemu mkulu gwa Yafeti kaweriti mbuyi gwa Waebraniya woseri. 22 Wana wa Shemu waweriti Eramu na Ashuru na Arifakisadi na Ludi na Aramu. 23 Wana wa Aramu waweriti Usi na Hulina na Geteli na Mashi. 24 Arifakisadi kamleriti Shela na Shela kamleriti Eberi. 25 Eberi kaweriti na wana wawili, mwana gwa kwanja kamshemiti Pelegi toziya shaka ashi wantu pasipanu wapalasikiti na mwana gwa pili kamshemiti Yokitani. 26 Yokitani kaweriti tati gwa Alimodadi na Shelefi na Hasalimaweti na Yera, 27 na hadoramu na Uzali na Dikila, 28 Obeli na Abimaeli na Sheba, 29 na Ofili na Hawila na Yobabu. Woseri awa waweriti wana wa Yokitani. 30 Isi yawalikaliti yeneya kulawa Mesha mpaka Sefari musemu za muvigongu vya isi kwakulawa mshenji. 31 Awa ndo walerwa wa Shemu kulawirana na makabila gawu na utakula wawu na isi zawu.

32 Awa ndo wantu wa shiyiwuku sha wana wa Nuhu, kulawirana na isi zawu. Kulawa muisi azi zyaziyeneya pasipanu pamashi gavuwa makulu.