1 Yawafata ndo shiyiwuku sha Adamu. Shaka Mlungu pakawaumbiti wantu, kawawumbiti walifani na mweni.

2 Kawawumbiti mpalu na mdala, shakapanu kawatekelera na kawapanana litawu "Wantu." 3 Adamu pakaweriti na mivinja miya yimu na malongu matatu, kampatiti mwana yakalifaniti nayu, sheni gambira shakuwi, kamshemiti Seti. 4 Pakamleriti kala Seti, Adamu kalikaliti mivinja miya nani na kapatiti wana wamonga wapalu na wadala. 5 Adamu kahowiti pakaweriti na mivinja miya tisa na malongu matatu.

6 Shaka Seti pakaweriti na vinja miya na muhanu, kamleriti Enoshi. 7 Pakamleriti kala Enoshi, Seti kalikaliti mivinja miya nane na saba na kapatiti wana wamonga wapalu na wadala. 8 Seti kahowiti pakaweriti na mivinja miya tisa lilongu na mbili.

9 Shaka Enoshi pakaweriti na mivinja malongu tisa, kamleriti Kanani. 10 Pakamleriti kala Enoshi, yomberi kalikaliti mivinja miya nani na muhanu na kapatiti wana wamonga wapalu na wadala. 11 Enoshi kahowiti pakawera na mivinja miya tisa na muhanu.

12 Shaka Kanani pakaweriti na mivinja malongu saba, yomberi kamleriti Mahalaleli. 13 Pakamleriti kala Mahalaleli, Kanani kalikaliti mivinja miya na malongu msheshi na kapatiti wana wamonga wapalu na wadala. 14 Kanani kahowiti pakaweriti na mivinja miya tisa na lilongu.

15 Shaka Mahalaleli pakaweliti na mivinja malongu na muhanu, yomberi kamleriti Yaredi. 16 Pakamleriti kala Yaredi, Mahalaleli kalikaliti mivinja miya nani na malongu matatu na kapatiti wana wapalu na wadala. 17 Mahalaleli kahowiti pakawera na mivinja miya nani na malongu tisa na muhanu. 18 Shaka Yaredi pakaweriti na mivinja miya yimu na malongu sita na mbili, yomberi kamleriti Henoki. 19 Pakamleliti kala Henoki, Yeredi kalikaliti mivinja nani na kapatiti wana wamonga wapalu na wadala. 20 Yaredi kahowiti pakawera na mivinja miya tisa na malongu sita na mbili.

21 Shaka Henoki pakaweriti na mivinja malongu na muhanu, yomberi kamleriti Masusela. 22 Henoki kalikaliti weri kulongolu kwa Mlungu pakamleriti kala Metusela, yomberi kalikaliti mivinja miya ntatu na kapatiti wana wamonga wapalu na wadala. 23 Henoki kalikaliti mivinja miya ntatu na malongu tisa na muhanu. 24 Yomberi kaweriti kankumguwira Mlungu, su shakapanu kawukiti vumu toziya Mlungu kamnyasuliti.

25 Shaka Matusela pakaweriti na mivinja miya yimu na malongu manani na saba, yomberi kamwiwuliriti Lameki. 26 Metusela pakamwiyuriti kala Lameki, Matusela kalikaliti mivinja miya saba na malongu nani na mbili na kapatiti wana wamonga wapalu na wadala. 27 Matusela kahowiti pakaweriti na mivinja miya tisa na malongu sita na tisa.

28 Shaka Lameki pakaweriti na mivinja miya yimu na malongu nani na mbili, yomberi kamleriti mwana mpalu. 29 Yomberi kamshemiti Nuhu pakalonga, "Mwana ayu ndo yakatufaliji kulawirana na lihengu lyetu likamala lyatutenda kwa mawoku getu mulitapaka lyakalipangiliti Mtuwa Mlungu." 30 Pakwiyuka kala Nuhu, Lameki kalikaliti mivinja miya muhanu na malongu tisa na muhanu, na kapatiti wana wamonga wapalu na wadala. 31 Lameki kahowiti pakawera na mivinja miya saba na malongu saba na saba.

32 Nuhu pakaweriti na mivinja miya muhanu, yomberi kamleriti Shemu na Hamu na Yafeti.