Agumesehani 4

12 Íbini buadigimariduni múa, michu laali lin bun. Beredera éibugei ubóu memeraagunga lun sun dan.

13 Ábati lóunabuni Kaín Wabureme:

—Siñabei nawandun aban abeichúni wéiriti ítara. 14 Bugá baadina lídangiñe múa le uguñe weyu, gásuti nerederun éibugei ubóu dise buéi memeraagunga, ítarati, furumiñeguarügüme adunraguti numa láfarubadina hilagubei.

15 Gama lumoun aba lóunabuni Bungiu:

—Furumiñeguarügü le áfarutibu hilagubei labeichúba sedü wéiyaasu. Ábati líchugun Bungiu lumakün Kaín lun máfarun lani le adunraguti luma. 16 Aba lidin Kaín lídangiñe fulasu le ñein lubéi buga ladimureha luma Bungiu, aba lerederun aganóua lidan fulasu le gíribei Nodu, le luéigiñebei oubaü le ñéingiñe lubéi laboucha weyu libiti Edén.