4 Kutyochela pa chigono cha Ŵafilisiti, ŵalikopwesye mundu jwamachili jwakuŵilanjikwa Goliati, mundu jwa musi wa ku Gati. Ŵaliji jwanlewu mita sitatu.
33 Che Sauli ŵajanjile che Daudi, "Mmwe ngankombola kwaula kumputa Mfilisiti jula. Mmwe nli nchanda pe, nambo mundu jo aŵele nkuputana ngondo chitandilile uchanda wakwe." 37 Ambuje Akunnungu juŵangulupwisye ni masimba ni madubu taachingulupusya ni aju Mfilisiti ju."
Che Sauli ŵansalile, "Njaule, ni Ambuje Akunnungu aŵeje pamo ni mmwe." 40 Che Daudi ŵajigele lubokola lwakwe mmakono, ŵasagwile maganga nsano gambone kutyochela mu kasulo, ŵagaŵisile mu nsaku wakwe wa jwakuchinga. Linati lyakwe lili chile mmakono mwakwe, ŵatandite kunjaula Goliati Mfilisiti jula.
45 Nambo che Daudi ŵansalile Goliati Mfilisiti jula, "Mmwe nkuunyichilila ni lipanga ni mpaamba ni chimaje. Nambo une ngunnyichilila kwa liina lya Ambuje Akunnungu ŵa ukombole, Akunnungu jwa mipingo ja ŵangondo ŵa Chiisilaeli umwatukene mmwejo.
49 Che Daudi ŵajinjisye nkono wake munsaku ni kukoposya liganga, ŵaliponyisye ni linati lyakwe ni kumputa nalyo Goliati pausyo. Liganga lyo lyajinjile muntwe mpaka Goliati ŵagwile pasi manguku.