1 Samweli 21:10-15 | YNT2018

10 Palyuŵa lyo, che Daudi ŵatyosile, ŵammutwiche che Sauli, ŵajawile kwa mwenye che Akishi jwa ku Gati. 11 Ŵakutumichila ŵa mwenye che Akishi ŵammusisye che Akishi jo kuti, "Ana ajuju nganaŵa che Daudi mwenye jwa chilambo ku Isilaeli? jweleju ni juŵangambaga achakongwe jula pa ndaŵi jiŵajimbaga kuti ‘Che Sauli auleje maelufu gakwe ni che Daudi auleje makumi elufu gakwe?’"

12 Maloŵe ga ŵakutumichila wo ganjinjile nnope che Daudi muntima, ni ŵatandite kunjogopa kwannope che Akishi mwenye jwa ku Gati. 13 Kwayele, ŵaligalawisye, ŵalitesile jwampungwane, paŵasachile kunkamula ŵaliji nkulembalemba pa minango ja musiwo ni lulowu luli chuluchulu mpaka kuseleleka pa ndewu syakwe.

14 Che Akishi ŵaasalile ŵakutumichila ŵakwe, "Nnole mundu ju ali jwampungwane. Kwachichi mkunnyichisya kukwangu? 15 Uli, nkuganisya kuti une ngwasaka ŵandu ŵapungwane mpaka kunyichisya mundu ju aitendekanye ayi paujo pangu? Mundu nti jweleju ngangusaka ajinjile mu nyuumba jangu?"

Estes versículos te tocaram? Ore agora!