18 Mayeai Yahweh Allai medu aha deyo, "Inontarainei meiri keburu mani, beng kaha. Ampefe Inari ne maniwowirio mesi wei manei we fiatari." 19 Mayeai Yahweh Allai kia kahofafeai. Na kahofa nanai, Niari maino andowanesa tuti romunesa fafong akawuruwo. Andowa nanisa Kiasa we mangfoia, ambori Allai deitawang kariri todoni dohong ewonomifo. Ampefe tonanaifa reantenang pario andowanei kiai tuti romunesa kiai ewonomi finanaifa. 20 Inontaraifoi dohong andowanei kiai tuti romufosa ewonomifo, wape mantauni wiro sobu ne maniwowiri mesi manei we fiatari kaha.
21 Ainanaya Yahweh Allai niari mangfoi denawa seo, na kutu dena nanai, Allai fiating mangfoi neina neurangfo bei, tuti katai fiating neina weruifo mani tebung weduarai na taraifeai. 22 Na neina neurangfoi nani, Yahweh Allai niari wiwing manei nai tuti kiari weia. 23 Ainanaya mangfoi medu deyo, "Andinini, inontaraio mesi kariri yau, ne neina nei na nehu neina nei, ne tarainei na nehu tarainei. I mani afui we wiwing, weo Yahwei kiari na mangnei fefe2:23 Na kaiwo Iberani, ISH mani mang, tuti ISHA mani wiwing.." 24 Nanai wedaya mangfoi ambori sawing inang tamang suru, tuti weboyari ria ne wiwingfoi. Ampefe uweboyari we ubaung une munurorong.2:24 Mat. 19:5; Mrk. 10:7-8; 1Kor. 6:16; Ef. 5:31.
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)