Yusupi deikaririai i mani mandoni dine fo
1 Na kutu Yehudai medua kai nanafo, Yusupi wiro enerorong mitu ahang kahai, na inontarai mano etoa kefangni fosa earomifo. Ainanaya demi ne mangfata fosa deyo, "Mera kai to boriei weru ninaifa." Ampefe wiro manei niayai ria Yusupi ahang kaha, na kutu Yusupi deisaharai we ne doroi fosa, we i mani mandoni dinefo.45:1 Kis. 7:13.
4 Ainanaya Yusupi medu we ne doroifosa deyo, "Mera kefang ma." Ampefe era kefang weia, medua aha deyo, "Yau mani Yusupi di yau, mene tahatuio raminde metawayangni to nu Mesiri foi. 5 Wape wiro mematai tuti metatua ahang fanai, weo metawayang yau to ninai ma ne. Allai mantauni dino demi yau ira foni mea, ambori inontarai nesa etarang pampang.
15 Yusupi fiaung ne tafuaisa tuti niunasa mae sai weo firaise fefe. Mayeaia mani arahio emadu riati.