Gênesis 6

Inontarai enari ne karirafo

1 Rabuang bo inontarai arahi bitoya na nunei nanai, etawing arikang wiwing fosa kontai. 2 Mayeai Allai ne kaisung*6:2 Kaiwo kariri Allai ne kaisung fosa mani, waitawang turura kaha. Manea na inontarai mano esobu aunau dedai kariri buku mirarebananei, enemitituai weai weo kaisung nanisa mani inontaraio ebaba tuti ewemambiriu enayai na waidani, eaino ebiari to nunei. Wape manea siai na mano esobu aunau dedaifo enemitituai kontai. Weo Kaisung ninisa mani na inontarai mano ewemambiriu tuti eweparenta na nunei ene kaisung saine. fosa ewati inontarai ene kamitung fosa we euremi bohi paria, ampefe eha kamitung fosa we enewiwing kariri mandoni dino enemirorong sauwei ne. 3 Ampefe Yahwei medu deyo, "Ansengno Yohongni we inontarainesa we dohongsa etarangnei wiro niayai pampang na sa kaha, weo ea mani tarai arora disa tuti emarareha. Na ninai tofongna mani, manei wiro minohia sewa fuina piaring piarei (120) kaha." 4 Na rabuang bonani tuti rabuang bo sua ahafoi, inontarai ebaba, etaidai tuti ewemambiriu enayai na nunei. Inontarai nanisa mani, eweriria na kamitung inontarai mano Allai ne kaisung fosa erausafo. Inontarai ebaba, etaidai tuti ewemambiriu nanisa mani ewe ewonomi paria nano fafongpa.✝6:4 Bil. 13:33.

5 Na rabuang bo Yahwei detioai we inontarainesa enari ne karirafo fuba paria na nunei tuti enemitituai ne karirafo pampang,✝6:5-8 Mat. 24:37; Luk. 17:26; 1Ptr. 3:20. 6 donio Yahwei detua paria, we niari inontaraifosa tuti dohongsa enayai na nuneifo. Enerorongfoi pirahai paria we finanai, 7 ampefe Yahwei medu deyo, "Yau ambori imung inontaraio inarisa ninisa eworu weru nunei, kontai romufosa tuti andowa siai fosa. Weo Yetua paria we inarisarafo." 8 Wape Noki mani kia Yahwei enerorongfoi paria, ampefe Noki sobu ne mahikaifo.

Kaiwo kariri Noki tuti fi niarifo

9 Kaiwo kariri Noki ne minohi toa wau mani tonina. Na rabuang bo inontarai fosa enari ne karirafoa tonanafo, Noki mani inontaraio mesi dine, tuti na inontarainei kiai na rabuang bonani mani i mesiri andino denteng na Allai ureng fo ne. Na minohi darangfo mani firao Allai.