यहोवा कुस्रू राज़े च़ुनते
1 यहोवा परमेशर अपने अभिषिक्त कुस्रू राज़ेरे बारे मां एन ज़ोते, मीं तैसेरो देइनो हथ एल्हेरेलेइ ठमोरोए कि तैसेरे सामने कौमन अधीन केरेलो, ते राज़ां केरि कमर ढिल्ली केरीं, ते तैसेरे सामने फाटकन एन्च़रे खोल्ली कि तैना फाटक फिरी कधे बन्द न किये गान। 2 अवं तीं अग्री-अग्री च़लेलो ते धेरतरे उच्ची-उच्ची ठारन पेट्ठी केरेलो, ते अवं पितलरे फाटकन ट्लोड़तां छ़डेलो ते लोंहेरे बेंड़न टुक्ड़े-टुक्ड़े केरेलो। 3 अवं तीं आंधरे मां छ़पोरू ते छ़ुपेइतां रखोरू धन तीं देइलो, ज़ैस सेइं तू बुझ़स कि अवं इस्राएलेरो परमेशर यहोवा आईं ज़ैनी तू नवं घिन्तां कुजावरोस।45:3 यिर्म. 27:5;कुल. 2:3.