Salmos 19

ዳዊቲ ዛማሬታ ካቦስ ዬጺዳ ማዛሙሬ

1 ሳሎቲ ጾሳ ቦንቾ ዮቴቴስ፤

ሳሎ ጉፋንይ

ኢዛ ኩሼ ኦሶ ኣዋጄስ።

2 ኢሲ ጋላሳይ ሃራ ጋላሳስ

ሄሳ ዮቴስ፤

ኢሲ ቃማይካ ካሊዛ ቃማስ

ኤራቴ ቆንጪሴስ።

3 ኢስታስ ሃሳያይ

ዎይኮ ቃላይ ባዋ፤

ኢስታ ጬንጉርሲካ ሲዬቴና።

4 ጊዶ ኣቲን ኢስታ ሃሳያ ጬንጉርሲ

ሳኣ ኡባን ላሌታና፤

ኢስታ ቃላይካ ቢታ ጋጻ ጋካና።

ጾሲ ኣርሼስ

ሳሎን ሶሆ ጊግሲዴስ።✝19፡4 ኦሮ 10፡18

5 ኣርሼይ ሚሺራይ ባ ኬፌ

ኬዚዛ ማላ ፖኢ ኬኤስ፤

ጋዴ ዎጺዛ ፒላታ

ኣሳ ማላ ኡፋዬቴስ።

6 ኣርሼይ ኬሳሶፔ

ዉሎሶ ጋካናስ ቤስ፤

ኢዛ ሴላፔ ጌሚ

ኣታና ሚሺ ዴና።

7 ጎዳ ዎጋይ ሱሬ፤

ሼምፖ ዛሪ ጪልኢሴስ፤

ጎዳ ኣዛዞይ ኣማኔቲዛይሳ፤

ኣኬካይ ፓጪዳይታስ

ኣ ኤራቴ ኢሜስ።

8 ጎዳ ዎጋይ ሊኬ፤

ዎዚና ኡፋይሴስ።

ጎዳ ኣዛዞይ ጌሻ፤

ኣይፌ ፖኢሴስ።