1 Ookkoneechchi uduma Iyyoobi'nna hiyye hiissee haaso'ee qici:

2 «Haaso'anexxa caqqassinoole anee dayyeessitinaak

balloo'o konnee qicinni kadduun.

3 Mittengele calla haaso'anneni laqqe

konneechchi uduma eetineeshsha oso'le.

4 «Ani aallataannek manjokeeta?

Osunte bidhdhonole osseba hina?

5 Mee anee uudde

haasoottinaachcho gophphinaa qico'ni anxi jiro mekki assitaaxxen.

6 Aninni hedanno wdda midde jigijigi hiyya'ennen

alayyee roqoonsa'ennen.

7 Mayeete Mageni fuggaalessi manni qeerraxxa wogga tureexxi, duroome'e

butate'n hedhdhaasha waaleek?

8 Mayee oosetixxa oose

undaa qico'n yaane insa'ne eldee'naa he'na'neek?

9 Mine insa'neeke'n sodaanta'neechchi hedhebaang nage'ik he'na'neen

Mageni mufatee insa'nee gane ege'neba'a

10 Hori insa'neeki mitte rakko belo hora'ne;

lali insa'neekinna riime'a ibise ege'nebaan.

11 Oose insa'neexxi gedhebiinxe beltannashsha burraqqa'ni geebbaani.

12 Okolenna kiraara ganda'ni

susuu'le aafuuffa'ni gammada'ni faarsitaan.

13 Kunni fuggichchi manni nage'iki hedhe'ee baro ifika bidhaan;

reyaa woddanna nage'iki moogemaan

14 Fuggaaleesi manni Mageno!

‹No'onaa'ni bayyati, atika seera egennonnaa hansaabe'non hiyyaan

15 Isoo Magenoofataneek duuchchiinxa dande'aaki Mageni ayyete?

Isoo soodaante maa la'o alfinanno?›

16 Iitta hina'neechchi horante anfeechchi duuchchi

hunna insa'neexxenni alfineechcho fakkattee'naaten

ani kinni konnee fuggaaleeyyetika yaada adhdhannokebaan.

17 «Haano fuggaaleeyye qooma rerte egende?

Birtaaxxi yaane insa'ne'ni dagge egendee?

Mageni mufate insa'nee gane ege'nee?

18 Insa'nee diidallo huuriinsha adhdhite,

hoobonbaltetinna bukotishsha filte hoyyitee woddi hedhee?

19 ‹Ha'no Mageni annuwiinxe balleessa'a

oose xixaan› hitinaa?

Yaane kinni Mageni iittinni cubbaaleeyye balleesa ifixxa ege'nexxo'a

insa'neenni umo insa'neenga xixuun;

iittate kaddeele insa'ne balleessa ifixxa egennamman.

20 Cubbo hujeeki manni umo insa'neenginninni xixichcho adhdhowwal

Duuchiinxa dande'aaki Mageni mufate insa'nee ganowwaal

21 Manji reyeechchinni udumi'a

oose ifixxee heedaaxxi hexxee?

22 «Mageni manna galchammange lumolla manna'n muraani,

tennexxeeta Isi hitta muraaxxa Manji iso'ni kulaake?

23 Mitti mitti manni reyaa qico'ni,

rakko mitte geltebaang uduudik fayyanni hedhee;

24 Bisi insa'neeki shoonqoqoorebaang

elo qico galla'in rennaani.

25 Weli manni kinni elo qico gale'e gammadoke hinaachcho uudebaang,

yaaddot cumuummi hiyya'nee reyaan.

26 Yaane kinni duchchiing reyee moogemee'naa

oolo ittaange callan.

27 «Ane miinanno hitine'e,

ani'a maldineeka daba ege'neennen.

28 Ha'no, ‹Ookkone lumoke manjik minni,

iikki fuggichchi manjinna hedhaammak duunkaan haba hedhe?› Hitinaan.

29 Ora me'e aagammaka manna qodhdhitinebaa?

Insa'nee odo adhdhitinabaa?

30 Insa'ne ‹Mageni mufatee arda gannaa wodda

elobaaxxa assammaki manni nag'iki fuulan› hineen

31 Fuggichcha manjo hujexxa elobaaxxe tennete assitette hiyye ku'laaki hedhee?

Yookaan xixe'e bado hissaaki hedhee?

32 Reye uuduma rensha dulkee moongammabaa aa'ne me'inaa

mogiinxa bakka heqqendaan

33 Bale giddika buttinna isi'a sense waalaan

mooggiibaa me'inaa wodda heddi manni,

weli edii'ni me'aani weli kinni uudumii'ni hordofaan.

34 «Mayeeta ha'no anee woy fulabaake haaso'inni jajjabeessitino'a wo'laandineek?

Hasoottineeki haso'i duuchchi dharaken.»