1 Shuha hinaake bogiki mani Bilidaadi Iyyobii hiyyee qici:

2 «Ati haani qico'n ca'li hite'e iitta haasottette?

Afo'o atikenaa'n fulaa'neeki haaso'i hobonbalteteni.

3 Mageni dhugaa haranga gorsabaani?

Duuchchiinxa dande'aaki Gotti dhuggati muurani?

4 Oose atixxi Magenokee ajajema gibbe'e cubbo hujoole,

cubbo insa'neexxxe Mageni insa'neenni xixenni hiyyoten.

5 Yanne kinn Mageniinbaa hige'e

duuchchinixxa dande'aaka Gootta soodaattottole,

6 Dhugaa calla hujjottolenna qullichchake kaddoottole

Isi hirbange'ni

birebaa atee hiissaan.

7 Edi'a galdattoki galdumi siretikenaa'ni quba sa'eeke kadaan.

8 «Amo mee, edo saxxeexxa ila qaabbati

edike no'oke annuwwika galduma hubati uudi

9 No'o qeerraka baro tura gonpheennaxxee,

mitti egennennelchchi hedhebaani, bari no'okinna gaaddisisiinsha sa'aken.

10 Insa'ne atee barsiissaaxxinna kullaaxxi ifi'a egenneexxi giddii'nitebaa?

11 Dhugaandinni Qoocce cafa'a hexxebaaba lattaa?

Yookaani leeddi wodi'i hedhebaaba lateexxi qufaataa?

12 Wodi'i bageexxe kaddoole kunnichchi nophphebaang,

wele badda'a edise bagani.

13 Ittanni Mageno dedhaakinna;

Mageni belo hedhaaki manni udumi uduma'a ba'aani,

14 Magenjooletike haadishsha xa'a hite kutendaaxxe yaanuwwa'ni addantaani.

15 Isi magenijooletike haada'ni irkantoole insa'nee dandeette kiphphabaani;

abindoolenna kutendaan.

16 Badda'a xeenakana arishsho alfite bira saxxammashshanni,

fuggaaleeyye iittanni bira saxxaani.

17 Hidduwwinna kinoti hana mirqemmaani

lumolla kinoxxe oddo'ni e'yaan.

18 Mitti manji bakka isexxeen isee gosheele

hexxemmabi ege'nemmabaan.

19 Konne qicinni tinni badda'a baggaani,

weli hiddichchuwwinna bakkate'n lataan.

20 «Mageni fuggoxxenaa'n bayyateeka manna hune walabaani;

fuggaaleeyyetanna gargaarabaani.

21 Tennexxee ati gammadda'ni osoldattoshshanna

ililissattoshsha assaani.

22 Atee gibaake manna'ni kinni shooko oddeessaan

fuggaaleeyyeti duunkaaninna ba'aani» hiyye.