1 Ookkoneechchi uduma Mageni hobonbalte giddo hedheexxi Iyyoobi'n hiyye haaso'ee qici;

2 «Beekkumi belo haaso'iyyoti

yaada anka diqqeessa'neeki kunni ayyete is?

3 Yoona labballoke kaddottole hidha duudhedhi

atee qora'ennen, hiissi.

4 «Ati butta dadanno wodda

ati haba hexxetta?

Egendo'ottolenna qaabbatta'oottole amo mee ane'n kuli.

5 Butta ‹konne qico› lummexxaan hiyye'e mureeki ayyete?

Miko'a ise iima wodaro ise hanna ibiseek ayyete kadeexxa egendeette?

6 Buttatika utuphuwwa jabeessite'e abiddeexxi hunna maachcho?

Ise ofoldeeka kinjo huje ugeeki ayyete?

7 Soodimariinxi urjuwwa mitteba farsitaa'naa'a

iimixxi ergana duuchchanna ililissaamma wodda ati haba hexxetta'a?

8 «Wodi'i buttiinke godobi giddii'ni pha'aa hiyyee wodda

muummetixxa hula cufeek ayyete?

9 Abbaayya duumanchiki goleenneki

dimma dukkananninna buqeennek Anten.

10 Abbaayya saxxabaashsha gabala giisse'e

hula isexxe'n danqarsanjo giisse'e uggennek Anten.

11 Konne qico'n daggatton!

Ookko'n saxxaboxxon!

Jabak atiki danbala'inna kabanni gabalemowwaal! Hiyyennek Anten.✝

12 «Koo Iyyoobi! Ilendettexxenni telchchi qico'n hara bogi soodaashsha ajajjee egndette?

Boro haachchabbaashshanna kuldeette?

13 Soodimari boro dayaa'seenaa ifini dago'a

fuggaaleeyye sho'ondeebaa'n farri asse'e leellisho'a

ajajje egendette?

14 Soodimariink ifin koobuwwatanna dhooquwwa gargar hexxeexxe bifaxxa seemma ode'wechcho fakkaatte leellitaashsha assaan

faariinke mi'yi hana leellitammaxxe qaphphantoshsha xuddi asse'e leellishaan.

15 Fuggaaleeyyetik ifininna gophemeen

fuggoxxa assinaammaxxi anguwwanna enqendeen.

16 «Abbaayyatixxe dhi'mo giddi'a e'yitette?

Lumoxxe abbaayyaxxee muummebaa marte egendette?

17 Reyotixxa hula ayyete leellishe ege'neeki manji hedhee?

Dimma dukkanaka cufananaa affe egendette?

18 Butta hittee qicixxe kaddeexxa egendeette?

Egendoottole amo ane'n kuli.

19 «Ifiniiba geessisaaka oranna

dukkana haba hexxaaxxa egendeette?

20 Ifakkanna duukkanna bakka bakka ifixxe'ni dandeette hissitatto? Ifiinkkenna dukkanatike mine'n iyyemaraaka ora egendeette?

21 Butta dadendee wodda ilendeettaxxee egendettexxi kokaken!

Wogga atixxinna qeerraxxen!

22 «Kaade ugginaake mine'n e'yteette?

Yookin tuulendeexxa kaade affeette?

23 Tinni kaade ani lolakeenna adhetee

rakkot bari'a uggudhdhennexxen.

24 Ifi habaa'n ke'e faca'a'neexxa egendeette?

Yookaan boroti darree'n daggaaxxi didaallo habaa'n kexxe butta duuchcha'ni gandaaxxa egendeette?

25 Xeenakee dagaaka ora

balaqqaaxxe banqo'anna ora giisseki ayyete?

26 Ayyinna hedhebaake boga'n

manji ofo'labaaxxe qiilla gammoojje'n,

27 Xeeni ganaasha assaaki ayyete?

Mittilchchi latabaaka bagoka boga shanshe'e

badda'a lattaashsha asseeke ayyete?

28 Xeeni anna afee?

Yookaan fixeesa ileeki ayyete?

29 Kaade ayyike gadaameesanaa'n fulde?

Iimii'n dagaaka qorra ayyete ile?

30 Qorri wode'e kinjiinsha assaan

dhi'mo abbaayyaka wode'enna kaadetishsha jabataashsha assaan.

31 «Piliyaadis hinaaxxa urjuwwa mitteba usura dandeetatto?

Yookaani Ooriyo hinaaxxa urjuwwa mitteba usurteexxa wodaro tansha dandeettatto?✝

32 Uurjuwwa duuchchi ififixxe yanna'n fuldaashsha assa dandeettatto?

Dibi hinaake biniichixxa dhagga affeexxa lumolluwwa shiixxaramma urjuwwa ajaja dandeettatto?

33 Iimixxe dadaka galduumiinka seera egendeette?

Kunni seeri buttate'n hujaashsha assa dandeettatto?

34 «Xeena ati'a lolasaashsha

duumancha ajaja dandeettatto?

35 Banqo atike ajajinni balaqqaa?

36 Qalbetee* beekkuma

sammoteenna* qalbeeffachcho uwweek ayyete?

37 Buko jabataa wodda

gugu'motinna mitteba dhabendaa wodda,

38 Duumancha laakko'atika beekkuma afeeki ayyete?

iimatike waabanaa'n wode'e butti'a duna dande'aak ayyete?

39 Badda'a giddo Neenquwwi ciise'e gadaa'naa

meyyake Neenqi'a adamo adandatto?

40 Isexxa solo'witeexxa beltanna itisse dandeettatto?

41 Beltanna qoodhandiinxi ittaachcho gophphe'e haafendaa wodda

anibaanna raartaa wodda ittaachcho uwwaaki ayyete?