1 «Manjiinki galdumi buttate'ni hunnati hujinsammake manjichike galdumabaa?

Hedho isixxi manjokee fiiddi hiyye hujaammake mannixxe hedhooshshateba'a?

2 Mannake hujammaki manni arishsho giddo huje'e gaaddisake'n ofo'lo'a halchammashshanna

hujemmaka runda uuno'a heqqedhammake maniishshatebaa?

3 Agenji sa'e agenji dagaashshanni ani'a mittende horoomebo'no.

Hashsha saxxe'e hashsha daggaashshanni waye uudaanne.

4 Diiphonna'a sa'onnole,

‹soodanni sooda› hiyya'nee yaadano

yane kinni mittendi hashsha ane'ni lamete kaddaan

suuki hiyyebo'nong gangalata'ni galanno

5 Bisi aniki duuchchi corroqo'eni

ca'li hiyye'e malo'a'naa

qonnonnotinna ane'ni wo'miteeni.

6 «Bari anik harf giddo mooqqo gongtamma irra gonga'neen,

ani'a elani hiyye heqqedhaannelchchi hedhebaang muda'neen

7 Ee, Mageno! Hedho anixxi uffu hinammake hafuri jalixxe kaddeexxa kassi hiyyi

ta'anni elqi'a mitte eloxxa yaane uudabe'noon

8 Ta'a uudaanneki manji langaxxa ane'e uudabaan

hasenna midde anee afabaani.

9 Duumaanchi sa'eexxi ba'emmashsha

reye mogemeeki manni langaxxa hige dagabaani

10 Isi ifike minibaa langaxxa higabaani;

iso ege'neemmaki duuchchinna dedhaani.

11 «Tennexxee yoona haranga sammi hiyyabe'non.

Uudenneke abaranaa'n kexxeexxa haso'anneni

hedho ane'ni qaraarteemmaxxe'e gungumaanneni.

12 Konne qico elqe kayya higabo'noshsha anee heqqita'etteki,

ani is abbaayyate yookaan abbaayya giddike lumoke bofa?

13 Ma'na sa'e irkatee'na

diiphi anee adhdheelee

dhibe anenaa'n sholowwi hitammani hiyye hedenne

14 Ati kinni oojjoti anee bararassita'etten

currusissa'ninna anee alalshita'etten.

15 Ani micco duwwike kada'ni hedhaannexxi hedho manii'ni,

suruura uggudhdhenexxi reyennexxa woyyan.

16 Ifi jibbeenne, hedhotinna anee gibiseen;

lubboti qeerraka baro tura gophaannexxee anee waali.

17 «Hitta manjo isoo Ati lummisse'e uuda'ette?

Assaaxxe yanne'n mayee isoo gaadda'ette?✝

18 Hashshe sodaashshanni yanna yanna'inni isoo hega uddaattelchchi,

is manji machcho?

19 Hancufa gurucci assannoxxee

shiixxoxxe yanna'a inqo ane waaldabexxo?

20 Ati manjo qorqortatto gootta;

ani cubbo hujennexxee ati mayiki miidhendette?

Mayeete ille atixxi ane'n uurriteeki?

aurteexxe ba'oshsha harange ate'ni a'urenne?

21 Haranga anixxa cubbo hatto hitaboxxo?

Hujennexxa baleessa gattowwaal hitaboxxo?

Reye'e bale giddo aagannoxxi yanna shiqqe'eni,

ta'anni elqi'a anee hassettelenna hedhebe'noni.»