ማዝሙረ ማፃፋ 115

ኑ ፆሳይ ዱማ

1 አቤት ጎዳዉ፥ ኑ ግሾ ግዶናሽን፥

ነ ሲቁዋነ ነ አማነተ ግሾ፥

ነ ሱን ቦንቻ።

2 አይስ ካዎተት፥

"ኤንታ ፆሳይ አዉኔ?" ያጋኔ?

3 ኑ ፆሳይ ሳሎን ደኤስ፤

ባ ዶስዳባ ኡባ ኦስ።

4 ሽን ኤንታ ኤቃት አሰ ኩሸን ኦሰትዶሶና፤

ኤንቲ ብራፐነ ዎርቃፈ መትዶሶና።

5 ኤንታዉ ዶን ደኤስ፥ ሽን ሃሳዮኮና፤

አይፈይ ደኤስ፥ ሽን ፄሎኮና።

6 ኤንታዉ ሀይ ደኤስ፥ ሽን ስኦኮና፤

ሲይ ደኤስ፥ ሽን ስንጎኮና።

7 ኤንታዉ ኩሸይ ደኤስ፥ ሽን ቦች ኤሮኮና፤

ቶሆይ ደኤስ፥ ሽን ሄመቶኮና፤

ኤንታ ሲፅናራ ኮሽንች ከየና።

8 ኤንታ መይሳትነ

ኤንታ አማነተይሳት ኤንታ መላ ግዶ።

9 እስራኤለ አሳዉ፥ ጎዳን አማነትተ፤

ህንተና ማደይነ ህንተ ጎንዳለይ እያ።

10 አሮና ኬ አሳዉ፥ ጎዳን አማነትተ፤

ህንተና ማደይነ ህንተ ጎንዳለይ እያ።

11 ጎዳስ ያየይሳቶ፥ ጎዳን አማነትተ፤

ህንተና ማደይነ ህንተ ጎንዳለይ እያ።

12 ጎዳይ ኑና ቆፔስ፤ እ ኑና አንጃና፤

እ እስራኤለ አሳ አንጃና፤

እ አሮና ኬ አሳ አንጃና።

13 ጎዳስ ያየይሳታ፥

እ ጉ ግታ አንጃና።

14 ጎዳይ ህንተና ዳርሶ፤

ህንተናነ ህንተ ናይታ አንጆ።

15 ሳሉዋነ ሳኣ መዳ

ጎዳይ ህንተና አንጆ።

16 ሳሎይ ፆሳባ፤

ሽን ሳአ አሳስ እሚስ።

17 ሀይቅዳይሳት ጎዳ ጋላቶኮና፤

ዱፎን ዝንእዳይሳት እያ ሳቦኮና።

18 ሽን ኑኒ፥ ደኦን ደኤይሳት፥

ሀችፈ መርና ጋካናዉ፥

ጎዳ ጋላቶስ።

ጎዳ ጋላትተ።