ፆሳ ሱን ጋላትተ
1 ጎዳ ጋላትተ!
ሳሎፐ ጎዳ ጋላትተ፤
ቦላ ቃን እያ ጋላትተ።
2 እያ ኪታንቾት ኡባይ እያ ጋላትተ፤
ሳሎን ደእያ እያ ኦላንቾት ኡባይ እያ ጋላትተ።
3 አዋይ፥ አጌናይ እያ ጋላትተ፤
ፖእያ ፆልንቶት ኡባይ እያ ጋላትተ።
4 ቃ ሳሎት እያ ጋላትተ፤
ሳሎፐ ቦላራ ደእያ ሃት እያ ጋላትተ።
5 ኤንቲ ኡባይ ጎዳ ሱን ጋላቶ፤
እ ኪትን ኤንቲ መትዶሶና።
6 እ ኤንታ መርናዉ ኤንታ በሳን በሳን ዎስ፤
ሻረቶና ህገ ኤንታዉ እሚስ።
7 ሳአፐ ጎዳ ጋላትተ!
አባን ደእያ ግታ መተቶ፤
አባ ጪሞቶ ኡባይ እያ ጋላትተ።
8 ዎልአንዉ፥ ሻቻዉ፥ ሻራዉ፥
ጫጋናዉ፥ እያ ኪታ ፖልያ ጫርኩዋዉ፥
ኡባይ እያ ጋላትተ።
9 ደረቶ፥ ዙማቶ፥
ሜተትያ አይፈ አይፍያ ምቶ፥ ዝጋቶ፥
ኡባይ እያ ጋላትተ።
10 መሄቶ፥ ዶአቶ፥
ሳአራ ጎሸትያ መተቶ፥
ፓልያ ካፎቶ ኡባይ እያ ጋላትተ።
11 ካዎቶ፥ ካዎተቶ፥
ሀላቃቶ፥ ደርያ ሃረይሳቶ፥
ኡባይ እያ ጋላትተ።
12 ፓንቶ፥ ጌላኦቶ፥ ጭማቶ፥ ናይቶ፥
ኡባይ እያ ጋላትተ።
13 እያ ሱንይ ኡባፈ ቃ ግድያ ግሾነ
እያ ቦንቾይ ሳሎታፐነ ሳአፐ ቃ ግድያ ግሾ፥
ኤንቲ ኡባይ ጎዳ ሱን ጋላቶ።
14 እያዉ ማታ ግድዳ እስራኤለ፥
እ ቁ ቁ ኦስ፤
እያ ጋላታና መላ ኤንታ ምንስ።
ጎዳ ጋላትተ!