ያሽያ ፆሳ ቦንቹዋ
ዛማረታ ሀላቃስ ፃፈትዳ ዳዊታ ማዝሙረ
ሱሱልኤን የፀትያ ማዝሙረ
1 አቤት ጎዳዉ ኑ ፆሳዉ፥
ነ ሱንይ ቢታ ኡባን ዋንድ ቦንቸትደ!
ኔኒ ነ ቦንቹዋ ሳሎፐ ቦላራ
ቁ ቁ ኦዳሳ።
2 ኔኒ ነ ሞርከታ ግሾ
ነ ሞርክያነ ነና ማንደይሳ ስእ ኦናዉ፥
ጉ ናይታ ዶናን
ምያ ናይታ ዶናን ጋላታ8:2 ጋላታ፦ እብራወ ዶናን ጉ ናይታ ጋላታን ምኖተ ሺሻሳ ጉሱ። ኩንዳሳ።
3 ኔኒ ነ ብራን መዳ ነ ሳሎታ፥
እያ በሳን በሳን ኔኒ ዎዳ አጌናነ
ፆልንቶታ ታኒ በእያ ዎደ፥
4 ኔኒ አሳባ ቆፓናዉ አስ አይቤ?
ዎይኮ ኔኒ እያ ፆሞሳናዉ እ አይቤ?
5 እያ ነ ኔፐ ጉራ ጉዳሳ፤
ቦንቾነ ግታተ ካላቻ
እያ ሁጰን ዎዳሳ።
6 ነ መዳ መተ ኡባ፥
ሃራና መላ ነ እያ ሹማዳሳ፤
ኡባ እያ ቶሁዋፐ ጋርሳራ ዎዳሳ።
7 ዶርሳታነ መሄታ፥
ዎራ ዶአታ ኡባ፥
8 ሳሎ ካፎታ፥ አባ ሞሎታነ
ሃ ጋርሳን ቃፅያ ኡባ
እያዉ ሃርሳዳሳ።
9 አቤት ጎዳዉ ኑ ፆሳዉ፥
ነ ሱንይ ቢታ ኡባን ዋንድ ቦንቸትደ!