ፆሳስ ጋላታ ማዝሙረ የፅተ
1 ሃይተ፤ አነ ጎዳ ሳቦስ፤
ኑና አሽያ ዛላስ ኡፋይሳን እልሎስ።
2 እያ ስን ጋላታራ ሺቆስ።
ጋላታ ማዝሙረ ኡፋይሳን የፆስ።
3 ጎዳይ ዎልቃማ ፆሰ፤
ፆሳታ ኡባ ቦላ ግታ ካዎ።
4 ቢታ ጪሞት እያ ቃቃን ደኦሶና፤
ደርያ ፄራት እያባ።
5 እ መዳ ግሾ አባይ እያባ፤
መላ ቢታ እያ ኩሸይ ኦስ።
6 ሃይተ፤ አነ ጉፋንድ እያ ጎይኖስ፤
ኑና መዳ ጎዳ ስንን ጉልባቶስ።
7 እ ኑ ፆሳ፤
ኑኒ እያ ቆሮን ደእያ ደረታ፤
ኑኒ እ ሄምያ እያ ዶርሳታ።
ጎዳይ ገይሳ ሀች ህንተ ስእኮ፥
8 ካሰ ህንተ ማይዛት ማርባን ሀንዳይሳዳ፥
ሄ ጋላስ ማሳን ባንታ ዎዛና ምንዳይሳዳ፥
ህንተ፥ ህንተ ዎዛና ምንፍተ።
9 ኤንቲ ታ ማላልስያ ኦሱዋ በእድካ፥
ታና ፓጭዶሶና፤ ታራ ኤቀትዶሶና።
10 ታኒ ሄ የለታ ቦላ ኦይታሙ ላይ ሻተታስ፤
"ኤንቲ ኡባ ዎደ ባንታ ዎዛናን ባልያ አሳታ፤
ኤንቲ ታ ኦግያ ኤሮኮና" ያጋስ።
11 ሄሳ ግሾ፥ "ኤንቲ ታ ሸምፖ በሳ ገሎኮና"
ያጋዳ ታ ሀንቁዋን ጫቃስ።