1 ታና ማራ፤ አቤት ፆሳዉ፥

ታና ማራ፤ ታ ኔኮ ባቃታይስ።

ዮይ አና ጋካናዉ፥

ነ ቀፍያ ጋርሳን ቆሰታይስ።

2 ታኒ ኡባፈ ቃ ፆሳኮ፥

ባ ቆፋ ኦያ ፆሳኮ ዋሳይስ።

3 ፆሳይ ሳሎፐ ማዶ ኪትድ ታና አሻና፤

ታና የይሳታ ካዉሻና፤

ፆሳይ ባ ሲቁዋነ

ባ አማነተ ታዉ ኪታና። ሳላሀ

4 ታኒ ታ ሞርከታፐ ግዶን፥

አሰ ምያ ጋሞታፐ ግዶን ደአይስ።

ኤንታ አቻይ ቶራነ ዶንገ ቶራ መላ፤

ኤንታ እንፃርሳይ ቃራ ማሻ መላ።

5 አቤት ፆሳዉ፥ ነ ሳሎፐ አዳ ቁ ቁ ጋ፤

ነ ቦንቾይ ሳአ ኡባ ካሞ።

6 ኤንቲ ታ ቶሁዋስ ፅሄ ዎዶሶና፤

ታኒ ኡንኤታዳ ሆካስ።

ኤንቲ ታ ኦግያን ኦላ ቦክዶሶና፤

ሽን ሄ ኦላን ባንታዉ ኩንድዶሶና። ሳላሀ

7 ታ ዎዛናይ ምኖ፤

አቤት ፆሳዉ፥ ታ ዎዛናይ ምኖ፤

ታኒ ነና ማዝሙረን ሳባና።

8 ታ ሸምፐ፥ ባርካ፤

ዲነ ማስንቆይ ደንድተ፤

ታኒ ጉራ ባርካና።

9 አቤት ጎዳዉ፥ ታ ነና አሳ ግዶን ጋላታና፤

ካዎተታ ግዶን ነና ሳባና።

10 ነ ሲቆይ ሳሎታፐ ቃ፤

ነ አማነተይ ሻራፐ ቦላ።

11 አቤት ፆሳዉ፥ ነ ሳሎፐ አዳ ቁ ቁ ጋ፤

ነ ቦንቾይ ሳአ ኡባ ካሞ።