1 ጎዳ ጋላትተ!

ታ ሸምፐ ጎዳ ጋላታ!

2 ታ ደኦ ላይ ኡባን ጎዳ ጋላታና፤

ታ ደእዳ ዎደ ኡባን ታ ፆሳ ሳባና።

3 ሀላቃታን አማነቶፍተ፤

አሻናዉ ዳንዳኦና አሳ ናአን ጬቀቶፍተ።

4 ኤንታ ሸምፖይ ከይያ ዎደ ቢታኮ ስሞሶና፤

ኤንታ ሀልቾይ ኡባይ ሄ ጋላስ አስ።

5 ያይቆባ ፆሳይ ማድያ አስነ

ጎዳ፥ ባ ፆሳን ኡፋይስ ኦያ አስ አንጀትዳይሳ።

6 ጎዳይ ሳሎነ ሳኣ፥

አባነ እያ ግዶን ደእያ ኡባ መስ፤

ፆሳይ መርናዉ አማነቴስ።

7 ጎዳይ ኡንኤትዳይሳታስ ፕርዴስ፤

ኮሻትዳይሳታስ ካ እሜስ፤

ጎዳይ ቃሸትዳይሳታ ብርሼስ፤

8 ጎዳይ ቆቀታ ፄልሴስ።

ጎዳይ ኩንድዳይሳታ ደንስ፤

ጎዳይ ፅሎታ ዶሴስ።

9 ጎዳይ በተ አሳታ ናጌስ፤

አምኤታነ ይኦ ናይታ ማዴስ፤

ሽን ኢታታ ኦግያ ይሴስ።

10 ጎዳይ መርናዉ ካዎታና፤

ፅዮነ፥ ነ ፆሳይ፥

የለተፈ የለተ ጋካናዉ ካዎታና።

ጎዳ ጋላትተ!