1 ጎዳይ ካዎትዳ ግሾ ሳአን ደእያ አሳይ ኡፋይቶ፤

ዩሾይ አባን ተቀትዳ ቢታት ኡፋይቶ።

2 ሻርነ ሳካና ም እያ ዩሹዋን ደኤስ፤

ፅሎተነ ቱማተ እያ አራታ ባሶ።

3 ታም እያ ስንራ ቤስ፤

እያ ዩሹዋን ደእያ ሞርከታ ፁጌስ።

4 እያ ዎልአንይ ብታ ኡባ ፖእሴስ፤

ቢታይ ሄሳ በእድ ኮኮሬስ።

5 ደረት ጎዳ ስንን፥

ሳኣ ኡባ ጎዳ ስንን ሙቃዳዳ ትልእዶሶና።

6 ሳሎት እያ ፅሎተ አዋጆሶና፤

አሳ ኡባይ እያ ቦንቹዋ በኦሶና።

7 ኤቃታ ጎይነይሳትነ

ኤንታን ጬቀተይሳት ኡባይ ዬላቶ፤

ኤቃት ኡባይ ጎዳስ ጉልባቶ።

8 አቤት ጎዳዉ፥ ፅዮነይ

ነ ፅሎ ፕርዳ ስእድ ኡፋይቴስ፤

ይሁዳ ማጫ ናይትካ ሀሹ ጎሶና።

9 አቤት ጎዳዉ፥ ኔኒ ሳአ ኡባ ቦላ ቃ፤

ፆሳታ ኡባፈ ኔኒ ቁ ጋዳሳ።

10 ጎዳ ዶሰይሳቶ፥ ኢታ እፅተ፤

እያን አማነተይሳታ ሸምፑዋ እ ናጌስ፤

ኢታታ ኩሸፐ ኤንታ አሼስ።

11 ፅሎታ ቦላ ፖኦይ ፖኤስ፤

ዎዛና ሱረታስ ኡፋይስ ደኤስ።

12 ህንተኖ ፅሎቶ፥ ጎዳን ኡፋይትተ፤

እያ ጌሻ ሱን ጋላትተ።