ሀርገትያነ ብዛ አሳ ዎሳ
ዛማረታ ሀላቃስ ፃፈትዳ ዳዊታ ማዝሙረ
1 ማንቁዋስ ቆፕያ አስ አንጀትዳይሳ፤
መቶ ጋላስ ጎዳይ እያ አሼስ።
2 ጎዳይ እያ ናጌስ፥ ደኦን ዎስ፤
ቢታ ቦላ ጎዳይ እያ አንጄስ፤
ጎዳይ እያ፥ እያ ሞርከታ አሙዋስ አድ እመና።
3 እ ሳከትድ ሂን ደእሽን ጎዳይ ማዴስ፤
ሀርግያፈ እያ ፓስ።
4 ታኒ፥ "ጎዳዉ፥ ታ ነና ናቅዳ ግሾ፥
ታና ማራ፤
ታ ሀርግያፈ ታና ፓ" ያጋስ።
5 ታ ሞርከት ኢታባ ታ ቦላ ሃሳይድ፥
"እ አዉደ ሀይቃንዴ?
እያ ሱንይ አዉደ ዶገታንዴ?" ያጎሶና።
6 ታና በአናዉ ያ ኦንካ ዎርዶ ኦዴስ፤
ባ ዎዛናን ታና ዝግርያባ ሺሼስ፤
ካረ ከይድ ታ ሱን ኢሴስ።
7 ታና እፅያ ኡባይ እስፈ ታና ዝግሮሶና፤
ኢታባይ እያ ጋኬስ ግድ ቆፖሶና።
8 "እያ ኢታ ሀርገይ ኦይክስ፤
እ ህዛ ሂፃፐ ደንደና" ያጎሶና።
9 ሀር አቶሽን ታ አማነትያ ላገይ፥
ታራ ምዳይስ ታዉ ዞኮ ዛርስ።
10 ሽን ጎዳዉ ታና ማራ፤
ታ ኤንታዉ ኩሸ ዛራና መላ፥
ሀርገ ሂፃፐ ታና ደን።
11 ታ ሞርከይ ታና ፆኖና ግሾ፥
ነ ታናን ኡፋይታናይሳ ታ ኤራይስ።
12 ነ ታና ታ ሱረተ ግሾ ካትሳሳ፤
ነ ስንን ታና መርናዉ ዎሳ።
13 ጎዳይ፥ እስራኤለ ፆሳይ፥
መርናፐ መርና ጋካናዉ ጋላተቶ።
አምንእ! አምንእ!