ዛማረታ ሀላቃስ ፃፈትዳ ዳዊታ ማዝሙረ

1 ጎዳዉ፥ ካዎይ ነ ዎልቃን ኡፋይቴስ፤

ነ እምዳ ፆኑዋን ሀሹ ጌስ።

2 እያ ዎዛና አሙዋ እያዉ እማዳሳ፤

እያ መተርሻ ዎሳ እያ ድጋባካ። ሳላሀ

3 ሎኦ አንጆራ እያ ሞካሳ፤

ዋላህ ባይና ዎርቃ ካላቻ እያ ሁጰን ዎሳ።

4 እ ነና ደኦ ኦይችስ፤

ዳሮ ላይነ አዱሳ ደኦ እማዳሳ።

5 ኔኒ እያዉ ፆኖ እምዳ ግሾ፥

እያ ቦንቾይ ዳርስ፤

ግታተነ ቴማ እያዉ እማዳሳ።

6 መርና አንጁዋ እያዉ እማዳሳ፤

ነ በንቱዋን እያ ኡፋይሳሳ።

7 ካዎይ ጎዳን አማነቴስ፤

ኡባፈ ቃ ፆሳ ማሮታይ፥

እያራ ደእያ ግሾ እ ዳጋመና።

8 ነ ኩሸይ ነ ሞርከታ፥

ነ ኡሻቻ ኩሸይ ነና እፀይሳታ ደማና።

9 ነ ቆንጭያ ዎደ ጮጨ ታማዳ ኤንታ ፁጋና፤

ጎዳይ ባ ሀንቆ ሱሎን ኤንታ ምታና፤

እያ ታማይ ኤንታ ማና።

10 ኔኒ ኤንታ ናይታ ቢታፈ፥

ኤንታ ኮቻ አሳ ግዶፈ ይሳና።

11 ነ ሞርከት ነ ቦላ ቶቦሶና፤

ኢታባ ማቀቶሶና፥ ሽን ፖሎኮና።

12 ኔኒ ኤንታ ነ ዶንግያን ዱካና፤

ኤንታ ጉየ ዛራዳ ጎዳና።

13 ጎዳዉ፥ ነ ምኖተን ቁ ቁ ጋ፤

ነ ዎልቃ ግሾ ጋላታ ማዝሙረ የፆስ።