1 ነኖ፥ ዎልቃማ ኡራዉ፥ ኢታተን አይስ ኦቶርታይ?

ነኖ ፆሳን ካትዳይሶ ኡባ ዎደ አይስ ጬቀታይ?

2 ነኖ፥ ዎርዶ ኦደተይሶ፥

ነ ሀራታ ይሳናዉ ማቀታሳ፤

ነ እንፃርሳይ ቃራ ማቅላ መላ።

3 ነ ሎኦ አጋዳ ኢታ ዶሳሳ፤

ቱማ አጋዳ ዎርዶ ኦደታሳ። ሳላሀ

4 ነኖ፥ ዎርዳንቹዋዉ፥

ነ ቦሻ ቃላ ኡባ ዶሳሳ።

5 ፆሳይ ነና መርናዉ መንና፤

ፆሳይ ነና መንረናነ ነ ኬፈ ዳፍድ ከሳና፤

ነና ደኦን ደኤይሳታ ግዶፈ ሾድድ የጋና። ሳላሀ

6 ፅሎት ሄሳ በእድ ያያና፤

ኤንቲ ሀይሳዳ ያግድ፥ ነ ቦላ ሚጫና፤

7 "ፆሳ ባዉ ገሸ ኦቦና፥

ባ ዱረተን አማነትዳ፥

ኢታ ኦሶን ምንዳ፥

አድያ ሀይሳ በእተ" ያጋና።

8 ሽን ታኒ ፆሳ ኬን አጭያ ሻማሆ መላ፤

እያ ሲቁዋን ታኒ መርናዉ አማነታይስ።

9 ነ ኦዳ ግሾ መርናዉ ታ ነና ጋላታና፤

ኔኒ ሎኦ ግድያ ግሾ ነ ሱንን ኡፋይስ ኦና፤

ጌሻታ ስንን ታ ነና ሳባና።