Mateus 26

Jesu Anonamata muGetsimani

36 Zvino Jesu adoenda navo kunzvimbo inoitiwa Getsimani, ndokuti kuvadzidzi vache, "Garai pano inini ndichaenda uko konamata." 37 Adotora Pita novanakomana vairi vaZebhedhi, adothanga kunzva usoma nokutambudzika. 38 Ipopo adoti kwavari, "Mwoyo wangu uri kusurukihwa chaizvo, zvokutosvika pakupfa, sarai pano, mugaririre neni."

39 Wandoti endei pamberi pashoma adowira pasi ndokunamata adoenzera nodumbu achiti, "Baba vangu, kana zvichigoneka, mukombe uyu womatambudziko mbaubiritsiwe kwandiri! Zvisinei, mbakureke kuva kuda kwangu, asi kuve kuda kwenyu."

40 Adouya kuvadzidzi ndokuvawana vaenzera, adobva wati kuna Pita, "Saka matadza kugaririra neni kwoawa ibodzi? 41 "Garirirai munamate kuti mureke kupinda pamuedzo, mweya unoda zvawene, asi muviri udoneta."

42 Adoenda kamu kochipiri, achinamata, "Baba vangu, kana mukombe uyu usingagone kubiritsiwa kwandiri kunze kwokuti ndiumwe, kuda kwenyu mbakuitiwe." 43 Adouya kamu achivawana vaenzera, ndava meso yavo yanga yava nohope.

44 Saka adovasiya kamu, achienda konamata kochitatu, achitaura mashoko mabodzi bodziyo. 45 Paadouya kuvadzidzi adoti kwavari, "Muchidoenzera nokuzorora zvenyu? Nangarai, awa yasvika, Mwanakomana woMunhu waakupandukihwa achiisiwa mumanja yovatadzi. 46 Sumukai tiende, onai anondipandukira wasvika."