26 Hana akamujovela Eli, "Chondi bambu wangu, ngati cheutama mumi, nene ndi mdala yula wenayimili penapa papipi yaku kuni iyupa Bambu Chapanga. 27 Namuyupili Bambu Chapanga anipelayi mwana uyu, na mwene anipelili ngati chenamuyupili. 28 Ndava yeniyo, nene nikumpela Bambu Chapanga mwana uyu, magono goha ga wumi waki abaguliwi ndava ya Bambu Chapanga."
Na penapo vakamufugamila Bambu Chapanga.