1 Aidungde Noah name, Shem, Ham, nah Japheth leuhmedung. Duinai caine penui napeidung lunghlu.

2 Japheth napeidung cai Gomer, Magog, Madai, Javan, Tubal, Meshech, nah Tiras. 3 Gomer napeidung cai Ashkenaz, Riphath, nah Togarmah. 4 Javan napeidung cai Elishah, Tarshish, Kittim, nah Dodanim. 5 Aidungde gade rejaaikung ga kelungme mpet tsamdi delwe penui katei penui deu ga lunghdi, mileune de penui let rip rang eh, penui heleuhdung nah penui pautsa rehi gade.

6 Ham napeidung cai Cush, Mizraim, Put, nah Canaan. 7 Cush napeidung cai Seba, Havilah, Sabtah, Raamah, nah Sabteka. Raamah napeidung cai Sheba nah Dedan. 8 Cush cai Nimrod pei, pa kideu gade ngkieng kelu raitube. 9 Pa au RAMPAUBE dwa gade teigwa kengkiengme ge. Cine ainzwa rangla, "Nimrod nzwa, RAMPAUBE dwa gade teigwa kengkiengme ge." 10 Keraidau pe hegwangram raitubedung Babel, Erech, Akkad nah Kalneh, aidung pelane Shinar* deu ga bam. 11 Cipau deu gade pa tetpwa Assyria ga miedi nah Nineveh, Rehoboth Ir, Calah teilu, 12 nah Resen, Nineveh penai Calah kakga bam. Cide au namdi disüt kecu ge.

13 Luditme, Anamme, Lehabme nah Naphtuhme au Mizraim pei, 14 Pathrusme, Kasluhme (cipaume dade Philistinme gwang), nah Caphtorme.

15 Canaan au pe neraibe Sidon nah Heth pei, 16 nah Jebusitme, Amoritme, Girgashitme, 17 Hivitme, Arkitme, Sinitme, 18 Arvaditme, Zemaritme, nah Hamathme. Nah pecai Canaanme pautsame lungzang petlu. 19 Canaanme deurai Sidon gade, Gerar lambie Gaza ga kecang, nah Sodom lambie ket tetgai, Gomorrah Admah, nah Zeboyim, Lasha ga kecang. 20 Aidung de cai Ham napeimedung, penui pautsa rehi gade, penui let rehi gade, penui deudung ga, nah penui heleuhdung lungh keladung.

21 Shem de mipeinadung mna beu, Japheth sinabe kecingbe. Shem au Eberme mina pelane pau. 22 Shem napeimedung Elam, Ashur, Arphaxad, Lud nah Aram. 23 Aram napeimedung cai Uz, Hul, Gether, nah Meshech. 24 Arphaxad Shelah pei teilu, nah Shelah Eber pei teilu. 25 Eber pe napei hangna bamla. Hangge zi be cai Peleg, kedanemene pe ting dau kideu be pangpop kedine. Pe sinabe zi cai Joktan. 26 Joktan au Almodad, Sheleph, Hazarmaveth, Jerah pei. 27 Hadoram, Uzal, Diklah, 28 Obal, Abimael, Sheba, 29 Ophir, Havilah, nah Jobab. Aidung pelane Joktan napeimedung. 30 Penui deurai Mesha gade, kepetle lamlwatu nam Sephar ga kecang. 31 Aidung de Shem napeidung, penui pautsadung nah penui letdung rehi gade, penui deudung ga, penui heleuhdung rehi gade.

32 Aidung de Noah napeimedung pautsa, penui paupakhadung ria gade, penui heleuhdung rehi gade. Aika de heleuhdung lungh ntsam petdi nah duinai caine kideube reu lungh miedi.